రియల్ రివాల్వర్ తో షూటింగ్ స్పాట్ కు మెగస్టార్..! ఎందుకో తెలుసా..?

భారత చలన చిత్రం రంగంలో మెగాస్టార్ చిరంజీవికి ప్రత్యేక స్థానం ఉంది. తన డ్యాన్సులతో, ఫైట్లతో మరే హీరోకు లేని క్రేజ్ చిరంజీవి సొంతం.. అయితే అలాంటి చిరంజీవి ఒకసారి రియల్ గన్ తో షూటింగ్ వెళ్లాడు. దీంతో షూటింగ్ సబ్బంది ఒక్కసారిగా ఉలిక్కి పడ్డారు. అసలు షూటింగ్ కు నిజమైన రివాల్వర్ తో వెళ్లాల్సిన అవసరం ఎమొచ్చింది. ఎందుకు వెళ్లాల్సి వచ్చిందని తెలుసుకోవాలంటే ఈ స్టోరీ చదవాల్సిందే.. 

1978లో అనామకుడిగా వచ్చిన చిరంజీవి తన పట్టుదలతో మెగాస్టార్ చిరంజీవిగా ఎదిగాడు. అప్పటి వరకు ఓమూస ధోరణిలో ఉన్న టాలీవుడ్ కు డ్యాన్సులు, బ్రెక్ డ్యాన్సులు, ఫైట్లను కొత్తగా పరిచయం చేసింది చిరంజీవే. తన మ్యానరిజం, కామెడీ టైమింగ్ తో తెలుగు యువతను ఉర్రూతలూపాడు. సూపర్ స్టార్ రజినీ వంటి వారే చిరంజీవి డ్యాన్సులకు ఫిదా అయిపోయి కంగారు పడాల్సిన పరిస్థితులు ఏర్పడ్డాయంటే అతిశయోక్తికాదు. 

ఎన్టీఆర్, ఎఎన్నార్, క్రిష్ణ, క్రిష్ణంరాజు, శోభన్ బాబు వంటి వారు వెండితెరను ఏలుతున్న సమయంలో అనామకుడిగా వచ్చి.. తన పెర్మామెన్స్ తో ఎలాంటి గాడ్ ఫాదర్ లేకుండా.. తనకంటూ ప్రత్యేకను చాటుకున్నాడు. డైరెక్టర్లకు చిరంజీవి నటన నచ్చి వరసగా సినిమాల్లో బుక్ చేసుకున్నారు. ఏకంగా ఏడాదికి 10 సినిమాలు చేస్తూ సుప్రీం హీరోగా.. మెగాస్టార్ గా ఎదిగారు.

అయితే జంధ్యాల దర్శకత్వంలో వచ్చిన చంటబ్బాయ్ సినిమా చిరంజీవీ కెరీర్ లో ఆల్ టైం క్లాసిక్. ఆ సినిమాలో చిరంజీవి డిటెక్టివ్ పాత్రలో ఇరగదీశాడు. చిరంజీవి కామెడీ టైమింగ్ కు ప్రేక్షకులు పడిపడి నవ్వారు. కాగా ఈ సినిమాకు ఒకసారి చిరంజీవి నిజమైన రివాల్వర్ తీసుకురావడం చర్చనీయాంశం అయింది. అప్పుడప్పుడే హీరోగా ఎదుగుతున్న చిరంజీవి తన రక్షణ కోసం రివాల్వర్ కోసం ప్రభుత్వానికి దరఖాస్తు చేసుకున్నారు. చిరంజీవికి రివాల్వర్ లైసెన్స్ ఇచ్చింది.

కాగా ఈ సినిమాలో ఓ సన్నివేశం చిత్రీకరణలో భాగంగా చిరంజీవి రివాల్వర్ తో కనిపించాల్సి ఉంది. అయితే ఇలాంటి సన్నివేశాల్లో డూప్ గన్స్ వాడుతారు. అయితే చిరంజీవి మాత్రం తన దగ్గర ఉన్న నిజమైన రివాల్వర్ తో షూటింగ్ వెళ్లాడు. నిజమైన గన్ కావడంతో అత్యంత జాగ్రత్తతో సీన్ షూట్ చేశారు డైరెక్టర్ జంధ్యాల.