AP: ఏపీ వాలంటీర్లపై మంత్రి కీలక వ్యాఖ్యలు.. ఇంటి వద్దకే పెన్షన్ అంటూ?

AP: 2019 ఎన్నికలలో అద్భుతమైన విజయాన్ని సొంతం చేసుకున్న వై ఎస్ జగన్ మోహన్ రెడ్డి ముఖ్యమంత్రిగా ప్రమాణ స్వీకారం చేసిన వెంటనే ఆంధ్రప్రదేశ్ లో వాలంటీర్ వ్యవస్థను తీసుకువచ్చారు. ప్రతి 50 ఇళ్లకు ఒకరి వాలంటీర్ ను నియమించి ప్రజల వద్దకే పరిపాలనను తీసుకోవచ్చారు. అయితే వాలంటీర్ వ్యవస్థను గతంలో ప్రతిపక్షాలు తీవ్ర స్థాయిలో విమర్శలు చేశాయి.

ఇలా వాలంటీర్ వ్యవస్థ పట్ల తీవ్ర స్థాయిలో విమర్శలు రావడంతో మొదటికే మోసం వస్తుందని భావించిన ప్రతిపక్ష నేతలు వాలంటీర్ వ్యవస్థను తిరిగి కొనసాగిస్తామని తెలపడమే కాకుండా వారికి 10 వేల రూపాయల గౌరవ వేతనం అందిస్తామని తెలిపారు. ఇలా వాలంటీర్లకు కూటమి నేతలు ఆఫర్ ప్రకటించడమే కాకుండా ఈ ఎన్నికలలో కూటమి అధికారంలోకి వచ్చింది. దీంతో వాలంటీర్ వ్యవస్థ పై అయోమయ పరిస్థితిలు ఏర్పడ్డాయి.

కొత్త ప్రభుత్వం అధికారంలోకి వచ్చిన తర్వాత గతంలో వాలంటీర్లుగా పని చేసిన వారిని నియమిస్తారా లేకుంటే కొత్త వారిని తీసుకుంటారా అనే విషయంపై ఎలాంటి క్లారిటీ లేదు అయితే వాలంటీర్లు అందరూ కూడా గతంలో వైసీపీ నాయకులు బలవంతంగా మా చేత రాజీనామాలు చేయించారని తిరిగి మమ్మల్ని వాలంటీర్లుగా తీసుకోవాలని అధికారులపై స్థానిక ఎమ్మెల్యేలపై ఒత్తిడి తీసుకువస్తున్నారు.

వారినే కొనసాగిస్తాం..

ఈ క్రమంలోనే రాష్ట్ర సాంఘిక సంక్షేమ శాఖ మంత్రి డోల బాల వీరాంజనేయ స్వామి వాలంటీర్ల గురించి మాట్లాడుతూ కీలక వ్యాఖ్యలు చేశారు. ఎంతోమంది వాలంటీర్లు తమతో బలవంతంగా రాజీనామా చేయించారని నాకు ఫోన్లు వాట్సాప్ మెసేజ్లు చేస్తున్నారు. అయితే గతంలో ఎవరైతే రాజీనామా చేయలేదో వారిని తిరిగి కొనసాగిస్తామని, వచ్చేనెల వాలంటీర్ల చేత ప్రతి ఇంటికి పెన్షన్ అందజేస్తామని మంత్రి ప్రకటించారు.