రోజా జీవితంలో కష్టాలు.. చెప్పుకుంటూ కన్నీళ్లు పెట్టుకున్న రోజా..!

నగిరి ఎమ్మెల్యే రోజా అటు బుల్లితెర జడ్జిగాను.. మరో వైపు బాధ్యాతయుత నాయకురాలిగా రాణిస్తున్నారు. ప్రస్తుతం జబర్దస్త్ కామెడీ షోలో జడ్జిగా ఉన్నారు. అయితే ఈటీవీలో త్వరలో ప్రసారం కానున్న ఓ ప్రోగ్రామ్ కు సంబంధించి ఓ ప్రోమో ప్రస్తుతం వైరల్ గా మారింది. అందులో రోజా ఎంతో భావోద్వేగానికి గురయ్యారు.

ఇన్నాళ్లు తనలో దాచుకున్న విషయాన్ని ఈ షో ద్వారా బయటపెట్టారు. వినాయక చవితి స్పెషల్‌గా ఈటీవీలో ఊరిలో వినాయకుడు పేరుతో ఓ స్పెషల్‌ షో చేశారు. అందులో ఆమె మాట్లాడుతూ.. తన పెళ్లికి ముందు ఎన్నో కష్టాలను అనుభించానని.. చెబుతూ కన్నీళ్లు పెట్టుకున్నారు. మొదట్లో తన జీవితంలో మొత్తం అప్పులు కట్టడానికి తన సంపాదన సరిపోయేదని.. ఆమె వాపోయింది.

1991 లో చిత్ర పరిశ్రమకు వచ్చానని.. 2000 వరకు స్టార్ హీరోయిన్ గా రాణించినా.. 2002 వరకు తాను నటించి సంపాదించిందంతా అప్పులు కట్టడానికే సరిపోయిందంటూ ఎమోషనల్‌ అయ్యారు. పెళ్లికి ముందు ఆమెకు డాక్టర్లు పిల్లలు పుట్టరని చెప్పారట.. ఆ విషయాన్ని ఆమె గుర్తు చేసేకొని భావోద్వేగానికి గురయ్యారు.

కానీ పెళ్లి అయిన ఏడాదిలోపే తనకు ప్రెగ్నేన్సీ వచ్చిందంటూ.. చెప్పుకొచ్చింది. మొదట తనకు అన్షు పుట్టిందని.. అందుకే తనంటే చాలా ఇష్టమంటూ చెప్పారు. ఈ విషయాలను చెబుతున్న సమయంలో ఇద్రజ, రష్మీ కూడా కన్నీళ్లను పెట్టుకొని రోజాను ఓదార్చారు. ఈ ప్రోమో ప్రస్తుతం వైరల్ గా మారింది. ఇందులో రష్మీ, సుధీర్‌, రోజా, హైపర్‌ ఆది, వర్ష చేసిన సందడి ఆకట్టుకుంటోంది.