Srikanth : కే రాఘవేంద్రరావు దర్శకుడిగా టాప్ పొజిషన్ లో ఉన్న సమయంలో తక్కువ బడ్జెట్ లో చిన్న సినిమా తీయాలని నిర్ణయించుకున్నారు. 1995 లో ‘హమ్ ఆప్ కే హై కౌన్’ సినిమాను చూసి ఇలాంటి సినిమా తీయాలని అనుకున్నారు. ఇక రచయిత సత్యానంద్ గారికి వివరించారు. ఇక సినిమాలో పాటలు భాగం కావాలని రాఘవేంద్రరావు సూచించారు. ఇక సత్యానంద్ నాగేశ్వరావు గారి పెళ్లి కానుక సినిమా స్ఫూర్తితో కథ సిద్ధం చేసారు.
తొమ్మిది పాటలతో 85 లక్షల బడ్జెట్ తో 80 రోజుల్లో సినిమా….
రాఘవేంద్రరావు కి కథ నచ్చడంతో పెళ్లి సందడి అనే పేరు కూడా ఫిక్స్ చేసారు. ఇక హీరో కోసం వెతికారు. మొదట హరీష్ ను హీరోగా అనుకున్నా ఆ తరువాత తాజ్ మహల్ సినిమాతో గుర్తింపు తెచ్చుకున్న శ్రీకాంత్ ను సెలెక్ట్ చేసారు. పెద్ద డైరెక్టర్ రాఘవేంద్రరావు సినిమాలో శ్రీకాంత్ హీరో అనగానే అందరు షాక్ అయ్యారు. ఇక నిర్మాత కోసం రాఘవేంద్రరావు అల్లు అరవింద్ ని సంప్రదించగా సినిమా పోతే నష్టాలను భరించవచ్చు అని నలుగురు కలిసి పార్టనర్ షిప్ మీద సినిమా తీద్దామని చెప్పారు. దీంతో అల్లు అరవింద్, రాఘవేంద్రరావు, అశ్వినీదత్, జగదీశ్ ప్రసాద్ కలిసి కొత్త బ్యానర్ రాఘవేంద్ర ఆర్ట్స్ బ్యానర్ పై సినిమా నిర్మాణాన్ని మొదలుపెట్టారు.
ఇక హీరోయినులుగా దీప్తి భట్నాగర్, రవళి ని సెలెక్ట్ చేసారు. తనికెళ్ళ భరణి, బ్రహ్మానందం, శివాజీ రాజా, బాబు మోహన్, కైకాల సత్యనారాయణ, ఏవిఎస్, శ్రీ లక్ష్మి వంటి వారు నటించారు. ఇక మ్యూజిక్ ఈ సినిమాకు ప్రధాన ఆకర్షణ. సంగీతాన్ని కీరవాణి గారు అందించారు. సినిమాలోని అన్ని పాటలు హిట్. అప్పటివరకు అల్లుడా మజాకా సినిమా పాటలపై ఉన్న రికార్డులను బద్దలు కొట్టింది. ఆల్ టైం సెల్లింగ్ రికార్డులను సొంతం చేసుకుంది. ఇక పాటలు హిట్ అవ్వడంతో సినిమా బిజినెస్ కు డిమాండ్ పెరిగింది.
కానీ నిర్మాతలు సొంతంగా థియేటర్లలో రిలీజ్ చేసారు. కేవలం అరవై థియేటర్లలో విడుదలైన సినిమా ప్రభంజనం సృష్టించింది. అన్ని ఏరియాలోనూ రికార్డులను క్రియేట్ చేసింది. ఇక ఈ సినిమాను తమిళంలో విజయ్, హిందీలో సంజయ్ కపూర్ నటించారు. ఇక హిందీ సినిమాను రాఘవేంద్ర రావు దర్శకత్వం వహించారు. సంక్రాంతి బరిలో నిలిచిన ఈ సినిమా పెద్ద హీరోల సినిమాలతో పోటీ పడి నెగ్గింది. 50 కేంద్రాల్లో 100 రోజులు సినిమా విజయవంతంగా ప్రదర్శింపబడి అప్పటివరకు ఎన్టీఆర్ లవకుశ సినిమాకు ఉన్న రికార్డును క్రాస్ చేసింది. అలా అటు ఎన్టీఆర్, ఇటు మెగాస్టార్ రికార్డులను బద్ధలుకొట్టి శ్రీకాంత్ ను సెకండ్ గ్రేడ్ హీరోలలో టాప్ హీరోగా నిలబెట్టింది. ఐదు నందులను గెలుచుకున్న ఈ సినిమా ఆ తరువాత శ్రీకాంత్ కు హీరోగా 20 సినిమాల ఆఫర్స్ ను తెచ్చిపెట్టింది.
ఆంధ్రప్రదేశ్లో నైరుతి రుతుపవనాలు క్రమంగా బలపడుతున్నాయి. రాష్ట్రంలోని మరిన్ని ప్రాంతాలకు రుతుపవనాలు విస్తరించడంతో వాతావరణ పరిస్థితుల్లో స్పష్టమైన మార్పులు కనిపిస్తున్నాయి.…
తమిళ సినీ పరిశ్రమలో స్టార్ హీరోగా, ప్రస్తుతం రాజకీయ నాయకుడిగా కొనసాగుతున్న విజయ్ పేరు మరోసారి వార్తల్లో నిలిచింది. అయితే…
భారత క్రికెట్లో కొత్త తరానికి చెందిన యువ ప్రతిభలు వరుసగా వెలుగులోకి వస్తున్నాయి. అందులో ముఖ్యంగా సూర్యవంశీ కుటుంబం పేరు…
నల్లగొండ జిల్లాలో స్నేహం అనే బంధాన్ని ప్రశ్నార్థకంగా మార్చే ఘటన వెలుగులోకి వచ్చింది. కొంతకాలంగా స్నేహితులుగా కలిసి తిరుగుతున్న ఇద్దరు…
ప్రపంచంలో అత్యంత ధనవంతుల జాబితా గురించి చర్చ వచ్చినప్పుడల్లా ముందుగా వినిపించే పేరు ఎలాన్ మస్క్. సాంకేతిక రంగం, అంతరిక్ష…
హైదరాబాద్లో చెరువుల పరిరక్షణ, ప్రభుత్వ భూముల సంరక్షణ, అక్రమ నిర్మాణాల తొలగింపు వంటి చర్యలతో తరచూ వార్తల్లో నిలిచే హైడ్రా…