Nagachaitanya: సరైన నిర్ణయం తీసుకోలేకపోయా.. నా జీవితంలో ఉన్న బాధ అదే.. నాగచైతన్య షాకింగ్ కామెంట్స్!

Nagachaitanya: అక్కినేని వారసుడు నాగచైతన్య ప్రస్తుతం ‘ కస్టడీ ‘ సినిమా షూటింగ్ పనులతో బిజీగా ఉన్నాడు. వెంకట్ ప్రభు దర్శకత్వంలో, పవన్ కుమార్ సమర్పణలో శ్రీనివాస సిల్వర్ స్క్రీన్ పై శ్రీనివాస చిట్టూరి నిర్మిస్తున్న ఈ చిత్రం యాక్షన్ ఎంటర్టైనర్ గా రూపొందుతుంది . ఈ సినిమాలో నాగచైతన్యకి జోడిగా కృతి శెట్టి నటిస్తోంది. ఇప్పటికే వీరిద్దరూ జంటగా నటించిన బంగార్రాజు సినిమా బ్లాక్ బస్టర్ హిట్ అందుకుంది.

ఇక మరొకసారి వీరిద్దరూ కస్టడీ సినిమాలో జంట కట్టారు. ఈ సినిమా మే 12వ తేదీ ప్రేక్షకుల ముందుకి రావడానికి సిద్ధమవుతోంది. ఈ క్రమంలో సినిమా ప్రమోషన్ పనులు ప్రారంభం అయ్యాయి.

ఈ క్రమంలో సినిమా ప్రమోషన్స్ లో భాగంగా ఇటీవల ఒక ఇంటర్వ్యూలో పాల్గొన్న నాగచైతన్య తన వ్యక్తిగత విషయాల గురించి ఆసక్తికర విషయాలు వెల్లడించాడు. ముఖ్యంగా తన జీవితంలో బాధపడిన సందర్భాల గురించి ఆసక్తికర వ్యాఖ్యలు చేశాడు.ఈ ఇంటర్వ్యూలో నాగచైతన్య మాట్లాడుతూ.. ” ఇప్పటివరకు నా జీవితంలో ఎటువంటి బాధాకరమైన సంఘటనలు జరగలేదు.

జీవితంలో ఎదురైన ప్రతి సంఘటన ఒక పాఠం నేర్పింది. కానీ కొన్ని సందర్భాలలో సినిమాల విషయంలో బాధపడ్డాను. ఆ సమయంలో సరైన నిర్ణయం తీసుకోలేకపోవడం వల్ల ఆ మూడు సినిమాల విషయంలో ఇప్పటికీ బాధపడుతూనే ఉన్నాను ” అంటూ నాగచైతన్య చెప్పుకొచ్చాడు.అయితే నాగచైతన్య కెరీర్ లో సరైన నిర్ణయం తీసుకోలేకపోయిన ఆ మూడు సినిమాలు ఏమిటా? అని అభిమానులు ఆలోచనలో పడ్డారు.

Nagachaitanya: కస్టడీ హిట్ కొట్టెనా…

ఇదిలా ఉండగా సమంతకి దూరమైన తర్వాత నాగచైతన్య వరుస ప్రాజెక్టులకు సైన్ చేస్తూ బిజీగా ఉన్నాడు. ఇటీవల థాంక్యూ సినిమా ద్వారా పరాజయం అందుకున్న నాగచైతన్య ప్రస్తుతం కస్టడీ సినిమా ద్వారా ప్రేక్షకుల ముందుకి రాబోతున్నాడు. ఈ సినిమాలో నాగచైతన్య ఒక పవర్ఫుల్ పోలీస్ ఆఫీసర్ పాత్రలో కనిపించనున్నాడు. ఇక ఈ సినిమాపై నాగచైతన్య చాలా నమ్మకంగా ఉన్నట్లు తెలుస్తోంది.