Nagarjuna: బాలయ్య అన్ స్టాపబుల్2 కి నో చెప్పిన నాగార్జున.. కారణం అదేనా?

Nagarjuna: టాలీవుడ్ ఇండస్ట్రీలో నటుడుగా ఎంతో మంచి పేరు ప్రఖ్యాతలు సంపాదించుకున్న అక్కినేని నాగార్జున ప్రస్తుతం వరుస సినిమాలలో నటిస్తూనే మరోవైపు బుల్లితెర కార్యక్రమాలకు వ్యాఖ్యాతగా వ్యవహరిస్తున్న విషయం మనకు తెలిసిందే.ఇప్పటికే నాగర్జున మీలో ఎవరి కోటీశ్వరులు బిగ్ బాస్ వంటి కార్యక్రమాలకు వ్యాఖ్యాతగా వ్యవహరిస్తూ ఎంతో మంచి గుర్తింపు పొందారు.

ఇకపోతే టాలీవుడ్ ఇండస్ట్రీలో నటుడిగా గుర్తింపు పొందిన నందమూరి బాలకృష్ణ కూడా ప్రస్తుతం అన్ స్టాపబుల్ అనే కార్యక్రమానికి వ్యాఖ్యాతగా వ్యవహరిస్తున్న విషయం మనకు తెలిసిందే. మొదటి సీజన్ ఎంతో విజయవంతంగా పూర్తి కావడంతో రెండవ సీజన్ కూడా ఎంతో ఘనంగా ప్రారంభమైంది. ఇకపోతే ఈ కార్యక్రమానికి నాగార్జున వస్తున్నారని వార్తలు వచ్చాయి. అయితే ఈ కార్యక్రమంలో పాల్గొనడానికి నాగార్జున నో చెప్పినట్లు సమాచారం.

ఇలా నాగార్జున బాలయ్య టాక్ షో కి రాకపోవడానికి గల కారణం ఏమిటి అనే విషయానికి వస్తే ఈ షోలో పాల్గొనడం వల్ల సమంత నాగచైతన్య విడాకులకు సంబంధించిన ప్రశ్నలు ఎదురవుతాయన్న నేపథ్యంలోనే ఈ షోకి నో చెప్పినట్లు వార్తలు వస్తున్నాయి. అయితే నాగార్జున ఇదే సమస్య అనుకుంటే ముందుగానే నిర్వాహకులకు చెప్పి ఇలాంటి ప్రశ్నలు అడగకుండా జాగ్రత్తలు తీసుకోవచ్చు.

Nagarjuna: వ్యక్తిగత సమస్యలే కారణమా..

కానీ నాగార్జున మాత్రం ఈ కార్యక్రమానికి రావడానికి ఆసక్తి చూపడం లేదట. అయితే ప్రస్తుతం నాగార్జున పరిస్థితులు ఏమంత బాలేవని, అందుకే ఈ కార్యక్రమంలో కూడా పాల్గొనడానికి ఏమాత్రం ఆసక్తి చూపించడం లేదని తెలుస్తోంది.మరి నాగార్జున ఈ కార్యక్రమానికి రాకపోవడానికి సరైన కారణం ఏంటి అనే విషయం తెలియాల్సి ఉంది. ఇక ఈయన సినిమాల విషయానికొస్తే తాజాగా నాగార్జున ది ఘోస్ట్ సినిమా ద్వారా ప్రేక్షకుల ముందుకు వచ్చారు ఈ సినిమా పెద్దగా ప్రేక్షకులను ఆకట్టుకోలేకపోయింది.