Nagarjuna: అందుకే నారాయణ అన్నాను.. ఎవరిని కించపరచాలని కాదు… క్లారిటీ ఇచ్చిన నాగార్జున!

Nagarjuna: బిగ్ బాస్ కార్యక్రమం వివిధ భాషలలో ప్రసారమవుతూ ఎంతో మంచి ఆదరణ సంపాదించుకుంది.ఇలా తెలుగులో ఐదు సీజన్లను పూర్తి చేసుకుని ఆరవ సీజన్ ప్రసారమవుతున్నటువంటి ఈ కార్యక్రమానికి ఎంతో మంది అభిమానులు ఉన్నారు.ఈ కార్యక్రమానికి ఏ విధంగా అయితే అభిమానించే వాళ్ళు ఉన్నారో విమర్శించే వాళ్ళు కూడా ఉన్నారు.ఈ క్రమంలోనే గత రెండు సీజన్ల నుంచి బిగ్ బాస్ కార్యక్రమం పై విమర్శలు అధికమయ్యాయి.

ఇలా బిగ్ బాస్ కార్యక్రమాన్ని విమర్శించే వారిలో సీపీఐ నారాయణ ముందు వరుసలో ఉన్నారు. ఈ కార్యక్రమం పై నారాయణ స్పందిస్తూ బిగ్ బాస్ కార్యక్రమాన్ని ఏకంగా ముంబై రెడ్ లైట్ ఏరియాతో పోల్చారు.ఇది బిగ్ బాస్ కార్యక్రమం కాదని బ్రోతల్ హౌస్ అంటూ ఈయన ఈ కార్యక్రమం పై విమర్శలు చేయడమే కాకుండా ఈ కార్యక్రమానికి వ్యాఖ్యాతగా వ్యవహరిస్తున్న నాగార్జున పై కూడా తీవ్రస్థాయిలో విమర్శలు చేశారు.

నాగార్జున కేవలం డబ్బు కోసమే ఇదంతా చేస్తున్నారని డబ్బు కోసం ఎలాంటి పనులు చేయడానికి అయినా సిద్ధపడతారంటూ ఈయన చేసిన కామెంట్స్ ప్రస్తుతం వైరల్ అవుతున్నాయి. అయితే నారాయణ మాటలను నాగార్జున సీరియస్ గా తీసుకోవడమే కాకుండా గత శనివారం బిగ్ బాస్ వేదికపై కంటెస్టెంట్లతో సందడి చేసినటువంటి నాగార్జున హౌస్ లో ఉన్నటువంటి మెరీనా రోహిత్ దంపతులను కౌగిలించుకొమ్మని చెప్పారు.

Nagarjuna: జోక్ వేస్తే అలా అనడం అలవాటు…

నాగార్జున ఇలా చెప్పేసరికి కాస్త మొహమాటపడిన మెరీనా రోహిత్ ఏం పర్లేదు మీకు లైసెన్స్ ఉంది అంటూ వారికి పెళ్లయిన విషయాన్ని గుర్తు చేశారు. ఈ క్రమంలోనే నాగార్జున నారాయణ నారాయణ అంటూ మాట్లాడటంతో ఈ వార్తలు నారాయణని ఉద్దేశించే అన్నారని పెద్ద ఎత్తున సోషల్ మీడియాలో చక్కర్లు కొట్టాయి.తాజాగా ఒక ఇంటర్వ్యూలో పాల్గొన్న నాగార్జున ఈ వ్యాఖ్యలపై స్పందిస్తూ తాను ఎవరిని ఉద్దేశించి అలా మాట్లాడలేదని తాను ఎవరైనా జోక్ చేసిన లేకపోతే ఎవరినైనా నవ్వించాలన్న నారాయణ.. నారాయణ అంటానంటూ ఈ సందర్భంగా క్లారిటీ ఇచ్చారు.