నగ్నంగా రెండు భవనాల మధ్య ఇరుక్కుపోయిన మహిళ.. ఎలా రక్షించారంటే?

ఎక్కడి నుంచో ఒక మహిళ అరుపులు వినిపిస్తున్నాయి. అయితే అవి సంతోషంతోనో..కోపంతోనో.. అరిచే అరుపు కాదు ఎంతో బాధతో రక్షించండి.. అనే అరుపులు వినిపించడంతో అక్కడే పని చేస్తున్నటువంటి వర్కర్లు ఈ అరుపులు ఎక్కడి నుంచి వస్తున్నాయో వెతకడం మొదలు పెట్టారు. అదే విధంగా ఈ సమాచారాన్ని పోలీసులకు చేరవేయడంతో పోలీసులు కూడా ఆ అరుపులు ఎక్కడి నుంచి వస్తున్నాయో వెతికారు. చివరికి ఆ అరుపులు రెండు భవనాల మధ్య ఇరుక్కుపోయిన ఓ మహిళ అరుస్తున్నట్లు పోలీసులు గుర్తించారు.

కాలిఫోర్నియాలోని శాంతా అనాలో హార్బర్ బౌలేవార్డ్‌లో మధ్యాహ్నం సుమారు 2 గంటల సమయంలో మహిళ అరుపులు వినిపించసాగాయి. షాపింగ్ కాంప్లెక్స్ లో పనిచేస్తున్న వర్కర్లు ఆ అరుపులు ఎక్కడి నుంచి వస్తున్నాయో వెతికారు. ఈ క్రమంలో ని కేవలం 8 ఇంచుల గ్యాప్ ఉన్నటువంటి 2 భవనాల మధ్యలో ఓ మహిళ నగ్నంగా పడి ఉండి రక్షించమని అరవడం గుర్తించారు.

అయితే ఆ మహిళ అంత చిన్న సందులోకి ఎలా వెళ్ళింది అనేది మిస్టరీగా మారింది. సమాచారం తెలుసుకున్న పోలీసులు,అగ్నిమాపక సిబ్బంది సంఘటన స్థలానికి చేరుకుని మహిళకు ఆక్సిజన్ అందే విధంగా ఏర్పాట్లు చేశారు.అదేవిధంగా పోలీసులు ఆమెకు ధైర్యం చెబుతూ అక్కడి నుంచి బయటకు తీసే ప్రయత్నం చేశారు.

రెండు భవనాల మధ్య కేవలం 8 ఇంచుల మాత్రమే ఉండటంతో ఆ మహిళను అక్కడి నుంచి బయటకు తీయడం ఎంతో కష్టంగా మారింది. దీంతో అధికారులు భవనానికి రంధ్రం చేయాల్సి వచ్చింది. ఎట్టకేలకు రెండు భవనాల మధ్య ఇరుక్కున్న ఆ మహిళను సాయంత్రం నాలుగు గంటల 30 నిమిషాల సమయానికి బయటకు తీశారు. అయితే ఈ విధంగా నగ్నంగా తలక్రిందులుగా మహిళ అక్కడ పడి ఉండటంతో పలు అనుమానాలు వ్యక్తమవుతున్నాయి. ప్రస్తుతం ఈ వీడియో సోషల్ మీడియాలో వైరల్ గా మారింది.