Balakrishna: సినిమాలకు బ్రేక్ ఇవ్వబోతున్న బాలయ్య.. అదే ప్రధాన కారణమా?

Balakrishna: నందమూరి నటసింహం బాలకృష్ణ ప్రస్తుతం వరుస సినిమాలలో నటిస్తూ కెరియర్ పరంగా ఎంతో బిజీగా ఉన్నారు. ఈయన వరుస సినిమాల ద్వారా ప్రేక్షకుల ముందుకు వస్తూ ఎంతో మంచి సక్సెస్ అందుకుంటున్న సంగతి తెలిసిందే. ఇటీవల భగవంత్ కేసరి సినిమా ద్వారా ప్రేక్షకుల ముందుకు వచ్చినటువంటి బాలయ్య అద్భుతమైనటువంటి హిట్ అందుకున్నారు.

ఈ సినిమా తర్వాత బాలకృష్ణ బాబీ డైరెక్షన్లో మరో సినిమాకు కమిట్ అయ్యారు. ప్రస్తుతం ఈ సినిమా కూడా షూటింగ్ పనులు జరుపుకుంటుంది. ఇక ఈ సినిమా షూటింగ్ పనులు జరుగుతున్నటువంటి తరుణంలో ఈ సినిమాకు సంబంధించి ఒక వార్త వైరల్ గా మారింది. ఈ సినిమా షూటింగుకు బాలకృష్ణ బ్రేక్ ఇవ్వబోతున్నారని తెలుస్తుంది ఏకంగా రెండు నెలలపాటు సినిమా షూటింగ్లకు ఈయన దూరం కాబోతున్నారు.

వరుస సినిమాలలో నటిస్తూ కెరియర్ పరంగా ఎంతో బిజీగా ఉన్నటువంటి బాలయ్య ఉన్నఫలంగా షూటింగుకు బ్రేక్ ఇవ్వడానికి కారణం లేకపోలేదు. మరి కొద్ది రోజులలో ఆంధ్రప్రదేశ్ అసెంబ్లీ ఎన్నికలకు సంబంధించిన నోటిఫికేషన్ రాబోతున్నటువంటి తరుణంలో ఈయన ఎన్నికలలో బిజీ కానున్నారు ప్రస్తుతం హిందూపురం ఎమ్మెల్యేగా ఉన్నటువంటి బాలకృష్ణ వచ్చే ఎన్నికలలో కూడా అక్కడి నుంచి పోటీ చేయబోతున్నారు.

ఎన్నికలలో బిజీబిజీ…

ఇలా ఎన్నికలు దగ్గర పడుతున్నటువంటి తరుణంలో ఈయన సినిమా షూటింగులు అన్నింటికీ కూడా కాస్త బ్రేక్ ఇచ్చేసి రాజకీయాలలో బిజీ కానున్నారు ఎన్నికలలో భాగంగా పెద్ద ఎత్తున హిందూపురం నియోజకవర్గంలో మాత్రమే కాకుండా ఏపీ అంతటా కూడా బాలకృష్ణ పర్యటించబోతున్నారని తెలుస్తోంది. వచ్చే ఎన్నికలలో తెలుగుదేశం పార్టీ విజయం కోసం వివిధ కార్యక్రమాలను నిర్వహించే పనులలో బాలయ్య బిజీ కాబోతున్నారని తెలుస్తుంది.