Nandamuri Taraka Ratna: నేను ఎన్టీఆర్ కి పోటీగా రాలేదు.. నన్ను ఎవరు దూరం పెట్టలేదు.. క్లారిటీ ఇచ్చిన తారకరత్న?

Nandamuri Taraka Ratna: నందమూరి వారసుడిగా సినిమా ఇండస్ట్రీలోకి ఒకటో నెంబర్ కుర్రాడు అనే సినిమా ద్వారా 2002వ సంవత్సరంలో ఇండస్ట్రీలోకి అడుగు పెట్టారు నందమూరి తారకరత్న.మొదటి సినిమాతోనే బ్లాక్ బస్టర్ హిట్ అందుకున్న ఆయన అనంతరం ఏకంగా 13 సినిమాలకు సంతకాలు చేశారు. ఈ విధంగా మొదటి సినిమా తర్వాత ఒకేసారి 13 సినిమాలకు సంతకం చేసిన ఏకైక హీరో తారకరత్న అనే చెప్పాలి.

అయితే ఇందులో కొన్ని సినిమాలు సెట్స్ పైకి వెళ్ల కుండానే ఆగిపోయాయి, మరికొన్ని సినిమాల్లో నటించినా పెద్దగా హిట్ అవ్వలేదు. అయితే పలు సినిమాలలో నటించిన ఈయనకు హిట్ రాకపోవడంతో ఇండస్ట్రీకి దూరమయ్యారు. ఇక తారకరత్న హీరోగా మాత్రమే కాకుండా విలన్ గా కూడా ఇండస్ట్రీకి పరిచయం అయ్యారు. విలన్ గా కూడా తాను ఇండస్ట్రీలో నిలబడలేక ఇండస్ట్రీకి దూరమయ్యారు.

ఈ విధంగా తారకరత్న ఇండస్ట్రీకి దూరం కావడంతో ఈయనను నందమూరి ఫ్యామిలీ దూరం పెట్టిందని ఆస్తి గొడవలు జరుగుతున్నాయి అంటూ పెద్ద ఎత్తున వార్తలు షికార్లు చేశాయి.అయితే తన గురించి వస్తున్నటువంటి ఇలాంటి వార్తలకు తారకరత్న ఫుల్ క్లారిటీ ఇచ్చారు.చాలా సంవత్సరాల తర్వాత తారకరత్న 9 అవర్స్ అనే వెబ్ సిరీస్ ద్వారా ప్రేక్షకుల ముందుకు వచ్చారు.

నందమూరి కుటుంబాన్ని ముందుకు తీసుకు వెళ్తున్నట్లు కదా…

ఈ క్రమంలోనే ఈ వెబ్ సిరీస్ ప్రమోషన్ కార్యక్రమాల్లో భాగంగా ఆయన మాట్లాడుతూ తాను నందమూరి కుటుంబానికి దూరం కాలేదని, అదే కుటుంబంతో కలిసి ఉంటున్నానని క్లారిటీ ఇచ్చారు. ఇకపోతే మాకు ఎలాంటి ఆస్తి గొడవలు లేవని ఈ సందర్భంగా తారకరత్న తెలియజేశారు. ఇకపోతే చాలామంది నేను ఎన్టీఆర్ కి పోటీగా ఇండస్ట్రీలోకి వచ్చానని భావిస్తున్నారు అయితే అందులో ఏ మాత్రం నిజం లేదు ఎన్టీఆర్ ముందుకు వెళ్తున్న, ఇండస్ట్రీలో టాప్ హీరోగా ఉన్న నందమూరి కుటుంబాన్ని ముందుకు తీసుకువెళ్తున్నట్లే కదా అంటూ అన్ని విషయాల గురించి క్లారిటీ ఇచ్చారు. ఈ సందర్భంగా తారకరత్న చేసిన ఈ వ్యాఖ్యలు ప్రస్తుతం సోషల్ మీడియాలో వైరల్ అవుతున్నాయి.