Hero Nani – Nagashaurya: ఓకే కథతో ప్రేక్షకుల ముందుకు వస్తున్న నాని, నాగశౌర్య… మరి గెలుపెవరిదో?

Hero Nani – Nagashaurya: సాధారణంగా ఒకే కథాంశం ఉన్న సినిమాలు ప్రేక్షకుల ముందుకు రావడం సర్వసాధారణం. ఈ క్రమంలోనే ఒక లైన్ ప్రేరణగా తీసుకొని వివిధ రకాలుగా సినిమాలను తెరకెక్కించి ప్రేక్షకులకు పరిచయం చేస్తుంటారు.అయితే తాజాగా ఇలా ఒకే పాయింట్ తీసుకొని నాని, నాగశౌర్య ఇద్దరు ఒకే కథతో రెండు సినిమాలుగా ప్రేక్షకుల ముందుకు తీసుకురావడానికి సిద్ధమయ్యారు.

కరోనా రాకముందు అనీష్ కృష్ణ దర్శకత్వంలో నాగ శౌర్య హీరోగా కృష్ణ బృందా విహరి సినిమాలో నటిస్తున్నట్లు ప్రకటించారు. అయితే కరోనా వల్ల ఈ సినిమా ఆలస్యం అవుతూ వచ్చింది.ఈ సినిమాలో నాగసౌర్య బ్రాహ్మణ కుర్రాడుగా కనిపిస్తున్నారు. ప్రస్తుతం ఈ సినిమా శరవేగంగా షూటింగ్ పనులను జరుపుకొని విడుదలకు సిద్ధంగా ఉంది. ఇకపోతే వివేక్ ఆత్రేయ దర్శకత్వంలో నాని హీరోగా అంటే సుందరానికి అనే సినిమా ద్వారా ప్రేక్షకుల ముందుకు రాబోతున్నారు.

ఈ సినిమా కూడా శరవేగంగా షూటింగ్ పనులను జరుపుకుంటున్నారు. ఇందులో కూడా నాని బ్రాహ్మణ కుర్రాడిగా సందడి చేయనున్నారు. ఇలా ఒకే కథతో రెండు సినిమాలతో ఈ ఇద్దరు హీరోలు ప్రేక్షకుల ముందుకు రావడానికి సిద్ధమయ్యారు. ఈ రెండు సినిమాలలో ఇద్దరు కూడా బ్రాహ్మణ కుర్రాళ్ళుగా కనిపించడమే కాకుండా వీరి ఫ్లాష్ బ్యాక్ కూడా ఒకే విధంగా ఉన్నట్లు సమాచారం.

అంచనాలను పెంచిన నాని….

మరి బ్రాహ్మణ గెటప్ ఈ హీరోలకు ఎవరికి కలిసి వస్తుంది.. బాక్సాఫీస్ దగ్గర ఎవరు ఎలాంటి విజయాలను అందుకుంటారో తెలియాల్సి ఉంది. వివేక్ ఆత్రేయ దర్శకత్వంలో నాని నటిస్తున్న అంటే సుందరానికి సినిమా నుంచి ఇప్పటి వరకు విడుదలైన పోస్టర్లు ఈ సినిమాపై భారీ అంచనాలు పెంచాయి. ఇక ఈ సినిమా నుంచి విడుదలైన టీజర్ కూడా ప్రేక్షకులను విపరీతంగా ఆకట్టుకుంది.