ముచ్చట మూడోది లైన్ లో పెట్టిన నాని… త్వరలో సెట్స్ పైకి “శ్యామ్ సింగ రాయ్”

వరుస సినిమాలతో దూసుకుపోతున్నారు నాచురల్ స్టార్ నాని. ప్రస్తుతం “V” తో పాటు… “టక్ జగదీష్” చిత్రాలను అనౌన్స్ చేసిన నాని ఈ రెండు సినిమాల తరువాత వచ్చే సినిమాకోసం అప్పుడే ప్లాన్ చేసేసారు. “V” చిత్రంలో ముపేన్నడు చేయని విధంగా సీరియల్ కిల్లర్ గా నెగిటివ్ షెడ్ చేస్తున్నారు నాని.

‘నాని’ జన్మదిన వేడుకల సందర్భంగా మరో సినిమాని అనౌన్స్ చేసారు. నాని హీరోగా ‘జెర్సీ’ వంటి చిత్రంతో భారీ విజయాన్ని అందుకున్నారు. అయితే ఈ చిత్రాన్ని నిర్మించిన యువ నిర్మాత సూర్యదేవర నాగవంశీ మరోసారి ‘నాని’ హీరోగా ఒక చిత్రాన్ని నిర్మించటానికి సన్నాహాలు చేస్తున్నారు. ఈ చిత్రానికి “రాహుల్ సాంకృత్యన్” దర్శకత్వం వహించనున్నారు. రాహుల్ సాంకృత్యన్.. విజయ్ దేవరకొండ హీరోగా వచ్చిన ‘టాక్సీ వాలా’ సినిమాతో ఘనవిజయాన్ని అందుకున్న దర్శకుడు. అందుకే రాహుల్ దర్శకత్వంలో ఈ చిత్రాన్ని నిర్మిస్తున్నారు యువ నిర్మాత సూర్య దేవర నాగ వంశీ.

కాగా ఈ చిత్రానికి ‘శ్యామ్ సింగ రాయ్’ అనే పేరును ఖరారు చేసారు. చిత్ర కథానాయకుడు గా నాచురల్ స్టార్ నాని నటిస్తున్నారని, కథానాయిను ఇంకా ఎంపిక చేయాల్సి ఉందని తెలుసుతుంది. నాచురల్ స్టార్ ‘నాని’ పుట్టినరోజు సందర్భంగా ప్రకటించింది చిత్ర యూనిట్. దీనికి సంబంధించిన ప్రచార చిత్రాన్ని, వీడియోను ట్యూబ్ ద్వారా విడుదల చేశారు. ఈ చిత్రం 2020 డిసెంబర్ 25 న చిత్రం విడుదల తేదీ కూడా ప్రకటించారు. అయితే హీరో ‘నాని’ కి ఇది 27 వ చిత్రం. చిత్రం ప్రారంభం,చిత్రానికి సంబంధించిన ఇతర నటీ,నట, సాంకేతిక వర్గం వివరాలు త్వరలోనే ప్రకటిస్తామని తెలిపారు.