Nayanatara : ఆకట్టుకుంటున్న నయనతార, విగ్నేష్ శివన్ ల పెళ్లి ఆహ్వాన వీడియో… రేపు పెళ్లి చేసుకోబోతున్న నయన్, శివన్…!

Nayanatara : ఎట్టకేలకు నయనతార పెళ్లిచేసుకోబోతోంది. శింబుతో ప్రేమాయణంతో రచ్చ చేసిన నయన ఆ తరువాత డాన్స్ మాస్టర్ మరియు హీరో అయిన ప్రభూ దేవాతో ప్రేమలో మునిగితేలింది. ఇక వీళ్లిదరూ పెళ్లి చేసుకుంటారని పక్కాగా ఫిక్స్ అయ్యారు అందరూ. కానీ కారణాలు స్పష్టంగా తెలియక పోయినా ఆ ప్రేమా కూడా బ్రేక్ అప్ అయిపోయింది.

నయన్ విగ్నేష్ ల పెళ్లి ఆహ్వానం….

ఇక ప్రభుదేవా ఎపిసోడ్ తరువాత ఈ కేరళ కుట్టి చాలా మారిపోయింది. జీరో సైజు అంటూ సన్నబడి కెరీర్ పై ఫుల్ ఫోకస్ పెట్టింది. ఇప్పటి తరం హీరోయిన్లలో లేడీ ఓరియెంటెడ్ సినిమాలతో హిట్లు కొట్టిన హీరోయిన్ గా పేరు తెచ్చుకుంది. తమిళ హీరోలకు ధీటుగా స్టార్ డమ్ ను సొంతం చేసుకుని లేడీ సూపర్ స్టార్ గా ఎదిగింది. ఇక అమ్మడు మరోసారి ప్రేమలో పడింది. ఈ సారి హీరోతో కాదు దర్శకుడితో. నయనతార నటించిన నేను రౌడీనే సినిమా డైరెక్టర్ విగ్నేష్ శివన్ తో ప్రేమలో పడింది. విగ్నేష్ శివన్, నయనతార కంటే ఏడాది చిన్నవాడు. వీరిద్దరి పెళ్లి గురించి చాలా రోజులుగా వార్తలు వినిపిస్తున్నా విగ్నేష్ శివన్ తాజాగా క్లారిటీ ఇచ్చాడు.

జూన్ 9న మంగళవారం మహాబలిపురంలో ఒక్కటవ్వబోతున్నట్లు ప్రకటించాడు. ఇక పెళ్లి చాలా సింపుల్ గా కేవలం అతి తక్కువ బంధువుల మధ్య జరగనుంది. ఈ పెళ్లి నెట్ ఫ్లిక్స్ ఇండియా లో లైవ్ స్ట్రీమింగ్ కానుంది. తోలుత వీరి పెళ్లి తిరుపతిలో అనుకున్నా మళ్ళీ మహాబలిపురంలో జరగనుంది. అయితే ఇప్పుడొక ఇంస్టాగ్రామ్ పోస్ట్ అందరిని ఆకర్షించింది. నయన, విగ్నేష్ ల పెళ్లి ఆహ్వాన వీడియోను ఇంస్టాగ్రామ్ లో పోస్ట్ చేసారు. అనిమేషన్ లో తమిళ సాంప్రదాయ పెళ్లి దుస్తుల్లో వధూవరులు వెనుక నుండి కనిపిస్తారు.

ఇక నయనతార తల్లిదండ్రుల పేర్లు, విగ్నేష్ శివన్ తల్లిదండ్రుల పేర్లతో కూడిన ఇన్విటేషన్ లో పెళ్లి తేదీ సమయం వేదిక రాసున్నాయి. ఈ వీడియోను ఎవరు రెడీ చేసారో కానీ చాలా అందంగా ఆకట్టుకుంటోంది అందరినీ. ఇక ఈ వివాహ ఏర్పాట్లు మహాబలిపురంలో జరుగుతున్నాయి. భద్రత ఏర్పాట్లు కూడా పూర్తయ్యాయని సమాచారం. ఇక ఈ వేడుకకు అతిథులు డ్రెస్ కోడ్ లో వస్తారని వినికిడి.