Nayanatara : జూన్ 9 న అంటే నిన్న తెల్లవారుజామున 2:22 గంటల ముహుర్తానికి మహాబలిపురంలో ఒక రిసార్ట్ లో నయనతార, దర్శకుడు విగ్నేష్ శివన్ లు పెళ్లి చేసుకున్నారు. ఎన్నో రోజులుగా అభిమానులు ఎదురుచూస్తున్న వీరి పెళ్లి ఘనంగా జరిగింది. ఈ పెళ్ళిలో నయన్ ఎరుపురంగు డిజైనర్ చీరలో జేడ్స్, డైమండ్స్ తో చేసిన ఆభరణాలను ధరించి బుట్ట బొమ్మలా అందంగా ఉంది. ఇక విగ్నేష్ తమిళ సంప్రదాయం ప్రకారం పట్టుపంచే ధరించి కనువిందు చేసాడు.
ఇక పెళ్ళికి తమిళ సినిమా ఇండస్ట్రీ నుండి రజనీకాంత్, విజయ్ సేతుపతి, విజయ్, కార్తీ, దర్శకులు అట్లీ, మణిరత్నం హాజరయ్యారు. ఇక బాలీవుడ్ బాద్షా షారుఖ్ ఖాన్ కూడా పెళ్ళికి హాజరై శుభాకాంక్షలు తెలిపారు. పెళ్ళిలో నయన్, విగ్నేష్ లు ధాత్రుత్వాన్ని చాటుకున్నారు. 20,000 మంది చిన్నారులకు పెళ్లి విందు ఏర్పాటు చేసి శభాష్ అనిపించుకున్నారు. ఇక ఇరవై మంది పురోహితుల సమక్షంలో సంప్రదాయ బద్ధంగా పెళ్లి వేడుక జరిగింది.
మీమర్స్ కు పండగ భట్టు చందు అంటూ సోషల్ మీడియాలో సందడి….
పెళ్లి జరిగిన తరువాత నయన్ ను ముద్దాడుతూ విగ్నేష్ ఉన్న ఫోటోను సోషల్ మీడియాలో పంచుకున్నాడు విగ్నేష్ శివన్. ఇక ఈ ఫోటోను మీమర్స్ వాళ్ల క్రియేటివిటీ ఉపయోగించి నయన్ కు విష్ చేసారు. అదుర్స్ సినిమాలోని భట్టు చందు పాత్రాలను బాగా వాడేసారు. అదుర్స్ సినిమాలో భగ్న ప్రేమికుడిగా భట్టు నయన్ పాత్ర చందుని ప్రేమిస్తాడు. ఆ సినిమాలోని క్లిప్స్ తో మీమర్స్ నయన్ కు పెళ్లి శుభాకాంక్షలు చెప్పారు. ఇపుడు ఈ మిమ్స్ నెట్టింట్లో బాగా వైరల్ అవుతూ అందరికి నవ్వు తెప్పిస్తున్నాయి.