Nayanatara -Vignesh Shivan: నిన్ను చూస్తుంటే చాలా గర్వంగా ఉంది… భార్యపై ప్రశంసలు కురిపించిన విగ్నేష్!

Nayanatara -Vignesh Shivan: దక్షిణాది సిని ఇండస్ట్రీలో లేడీ సూపర్ స్టార్ గా ఎంతో పేరు ప్రఖ్యాతలు సంపాదించుకున్న నయనతార పెళ్లి తర్వాత కూడా పలు సినిమాలలో నటిస్తూ ఎంతో బిజీగా ఉన్నారు. ఈ క్రమంలోనే నయనతార చిరంజీవి నటించిన వాల్తేరు వీరయ్య సినిమా ద్వారా ప్రేక్షకుల ముందుకు వచ్చారు. ఇందులో ఈమె చిరంజీవికి చెల్లెలి పాత్రలో నటించారు. అదేవిధంగా బాలీవుడ్ నటుడు షారుఖ్ ఖాన్ నటించిన జవాన్ సినిమాలో కూడా నయనతార నటిస్తున్నారు.

ఈ సినిమా ఇప్పటికి విడుదల కావాల్సి ఉండగా కొన్ని కారణాల వల్ల వాయిదా పడుతూ వచ్చింది అయితే సెప్టెంబర్ 7వ తేదీ ఈ సినిమా ప్రపంచవ్యాప్తంగా విడుదలకు సిద్ధమవుతుంది. ఈ క్రమంలోనే ఈ సినిమా ప్రమోషన్ కార్యక్రమాలను మొదలుపెట్టారు. ఇందులో భాగంగా నయనతార ఫస్ట్ లుక్ పోస్టర్ విడుదల చేశారు. అట్లీ దర్శకత్వంలో తెరకెక్కుతున్నటువంటి ఈ సినిమా ద్వారా నయనతార బాలీవుడ్ ఇండస్ట్రీకి పరిచయం అవుతున్నారు.

ఈ క్రమంలోనే ఈ సినిమా నుంచి ఈమె ఫస్ట్ లుక్ పోస్టర్ విడుదల చేయగా ఇందులో నయనతార కూలింగ్ గ్లాసెస్ పెట్టుకొని చేతిలో గన్ పట్టుకొని ఫుల్ యాక్షన్ మోడ్ లో ఉన్నారు. ఇక ఈ ఫోటోని విగ్నేష్ శివన్ సోషల్ మీడియా వేదికగా షేర్ చేస్తూ నయనతారపై ప్రశంశల వర్షం కురిపించారు. షారుక్ ఖాన్ అభిమానిగా ఆయన అన్ని సినిమాలు చూస్తూ వచ్చావు అయితే ప్రస్తుతం ఆయనతోనే కలిసి ప్రధాన పాత్రలో నటిస్తుండడం చాలా సంతోషంగా ఉందని తెలిపారు.

Nayanatara -Vignesh Shivan: ఎందరికోస్ఫూర్తిగా నిలిచావు…

నిన్ను ఇలా చూస్తుంటే చాలా గర్వంగా ఉంది నువ్వు ఎందరికో స్ఫూర్తిగా నిలిచావు. నిన్ను చూస్తుంటే నేను మాత్రమే కాకుండా మన ఫ్యామిలీ మొత్తం ఎంతో గర్వపడుతుంది అంటూ విగ్నేష్ నయనతార పట్ల ప్రశంశలు కురిపిస్తూ చేసినటువంటి ఈ ట్వీట్ సోషల్ మీడియాలో వైరల్ గా మారింది. ఇక ఈ సినిమాలో షారుక్ ఖాన్ హీరోగా నటించగా విలన్ పాత్రలో కోలీవుడ్ నటుడు విజయ్ సేతుపతి నటిస్తున్న విషయం మనకు తెలిసిందే.