Vikram Movie: యంగ్ డైరెక్టర్ లోకేష్ కనగరాజ్ దర్శకత్వంలో కమల్ హాసన్ హీరోగా తెరకెక్కిన చిత్రం విక్రమ్. ఈ సినిమా ఎన్నో అంచనాల నడుమ జూన్ 3వ తేదీ విడుదల అయ్యి అంచనాలను మించి బాక్సాఫీస్ వద్ద కలెక్షన్ల సునామీ సృష్టిస్తోంది. ఈ క్రమంలోనే ఈ సినిమా అద్భుతమైన విజయాన్ని అందుకోవడంతో కమల్ హాసన్ దర్శకులకు ఖరీదైన బహుమతులు ఇస్తూ అందరినీ ఆశ్చర్యానికి గురి చేస్తున్నారు.
ఇకపోతే ఈ సినిమా మంచి విజయం అందుకున్న తరుణంలో డైరెక్టర్ సోషల్ మీడియా వేదికగా అభిమానులతో ముచ్చటించారు.ఈ క్రమంలోనే నెటిజన్లు అడిగే ప్రశ్నలకు ఈయన తనదైన శైలిలో సమాధానాలు తెలియజేస్తున్నారు. ఈ విధంగా నెటిజన్ల నుంచి ఎన్నో రకాల ప్రశ్నలు ఎదురవడంతో సమాధానాలు చెప్పిన డైరెక్టర్ లోకేష్ కు ఒక నెటిజన్ నుంచి ఊహించని ప్రశ్న ఎదురైంది.
ఈ సందర్భంగా నెటిజన్ ప్రశ్నిస్తూ ఖైదీ సినిమాలో చనిపోయిన అర్జున్ దాస్ క్యారెక్టర్ విక్రమ్ సినిమాలో ఎలా బ్రతికి ఉంది. ఈ విషయాన్ని నేను నమ్మలేకపోతున్నాను అంటూ నెటిజన్ ప్రశ్నించారు. ఈ క్రమంలోనే లోకేష్ ఈ ప్రశ్నకు సమాధానం చెబుతూ… ఖైదీ సినిమాలో నెపోలియన్ కొట్టడం వల్ల అర్జున్ దాస్ చనిపోలేదు. ఆయన దౌడ మాత్రమే విరిగిపోయింది. ఇకపోతే విక్రమ్ సినిమాలో అన్బు గొంతుపై మీరు కుట్లను చూడొచ్చు. దీని గురించి ఖైదీ 2 లో వివరణ ఇస్తానని ఈ సందర్భంగా డైరెక్టర్ క్లారిటీ ఇచ్చారు.
ఖరీదైన కారును బహుమానం..
ఇక ఈ సినిమా విడుదలై వారం రోజుల అయినప్పటికీ ఇంకా బాక్సాఫీస్ వద్ద కలెక్షన్ల వర్షం కురిపిస్తోంది. చాలా కాలం తర్వాత డైరెక్టర్ లోకేష్ కనగారాజ్ విక్రమ్ సినిమాతో కమల్ హాసన్ కు భారీ బ్లాక్ బస్టర్ విజయాన్ని అందించడంతో ఎంతో సంతోషం వ్యక్తం చేసిన కమల్ హాసన్ డైరెక్టర్ కు ఊహించని విధంగా కోటి రూపాయల కారు బహుమతిగా ఇచ్చారు అదేవిధంగా అసిస్టెంట్ డైరెక్టర్లకు ఎంతో విలువైన బహుమతులను అందజేశారు.ఇకపోతే ఈ సినిమా మంచి విజయాన్ని అందుకోవడంతో ఈ సినిమాకి సీక్వెల్ చిత్రం ఉంటుందని కమల్ హాసన్ వెల్లడించారు.