Singer Sunitha: భర్త పై నెటిజన్ కామెంట్.. దిమ్మతిరిగే రిప్లై ఇచ్చిన సింగర్ సునీత !

Singer Sunitha: సింగర్ సునీత గురించి ప్రత్యేకంగా చెప్పాల్సిన పని లేదు. తెలుగు ప్రేక్షకులకు తన గాత్రంతో అందరికి దగ్గరైంది. తన గాత్రాన్నే కాకుండా.. తన అందాన్ని కూడా పొగుతుంటారు ప్రేక్షకులు. ఇటీవల రామ్ వీరపనేనిని రెండో వివాహం చేసుకుంది. ఇటీవల తన ఫస్ట్ మ్యారేజ్ డేని జరుపుకుంది. ఆ సమయంలో ఓ ప్రత్యేకంగా వీడియోను కూడా ప్రేక్షకులతో తన అభిమానులతో పంచుకుంది. రామ్ వీరపనేని, తన గురించి కుటుంబ సభ్యులు ఏం అనుకుంటున్నారో తెలిపేలా వీడియోను షేర్ చేసింది. 

ఇటీవల కాలంలో సోషల్ మీడియాలో చాలా యాక్టివ్ గా ఉంటోంది సునీత. ఎప్పటికప్పుడు తన సోషల్ మీడియా అకౌంట్ ద్వారా తన అభిమానులను పలకరిస్తోంది. ఇటీవల తన ఫార్మ్ లో వ్యవసాయం గురించి, కూరగాయల గురించి ఫ్యాన్స్ తో పంచుకుంది. తన భర్తతో దిగిన ఫోటోలను కూడా సోషల్ మీడియాలో పంచుకుంటోంది.

ముసలి మొగుడు రామ్…

రామ్ వీరపనేనితో పెళ్లి జరిగిన తర్వాత ఈ జంటపై నెగిటివిటీ వచ్చినా పెద్దగా పట్టించుకోలేదు సునీత. సోషల్ మీడియాలో తమ జంట గురించి ట్రోలింగ్ జరిగిన స్పందించిన దాఖలాలు లేవు. అయితే ఈసారి మాత్రం ఓ నెటిజన్ కు స్ట్రాంగ్ కౌంటర్ ఇచ్చింది. ఇటీవల రామ్ వీరపనేనితో కలిసి సునీత ముచ్చింతల్ లోని శ్రీరామనగరంలోని సమతామూర్తి విగ్రహాన్ని సందర్శించింది. అక్కడ ఓ ఫోటో దిగి సోషల్ మీడియాలో పోస్ట్ చేసింది. దీనిపై ఓ నెటిజెన్ ‘‘కాకి ముక్కుకు దొండ పండు. సునీతకు ముసలి రామ్ మొగుడు! అందం ఈమె సొంతం ధనము ఆయన సొంతం! గానం ఈవిడది దర్జా అతనిది!” అంటూ ఇష్టమొచ్చినట్లుగా మాట్లాడాడు. ఇది చూసిన సునీత.. ‘నోటి దూల నీది. నీ భారం భూమిది’ అంటూ అతగాడి స్టైల్ లోనే కౌంటర్ వేసింది. ఇది చూసిన నెటిజెన్లు సునీత బాగానే స్పందించిందంటూ ప్రశంసలు కురిపిస్తున్నారు.