కొత్త వేరియంట్స్ ను గుర్తించిన NIV.. మరింత ప్రమాదం?

గత ఏడాది ఎక్కడో చైనాలో ఊహాన్ ల్యాబ్ నుంచి బయటకు విడుదలైన కరోనా వైరస్ ప్రపంచ వ్యాప్తంగా పెద్ద అల్లకల్లోలం సృష్టించింది. ఇప్పటికే ఈ వైరస్ వివిధ రకాల ఉత్పరివర్తనాలు చెందుతూ వ్యాధి లక్షణాలను తీవ్రతరం చేస్తుంది. ఈ క్రమంలోనే పుణేలోని నేషనల్ ఇన్‌స్టిట్యూట్ ఆఫ్ వైరాలజీ సరికొత్త వేరియంట్‌ను గుర్తించింది.

ప్రస్తుతం ఇండియాలో అధికంగా వ్యాపిస్తున్న  B.1.1.28.2 రకం బ్రెజిల్ నుంచి ప్రయాణికులు ద్వారా ఇండియాకు వ్యాపించినట్లు తెలుస్తోంది. ప్రస్తుతం ఈ వేరియంట్ ఇండియాలో తీవ్రరూపం దాలుస్తూ ఎంతో మందిని పొట్టన పెట్టుకుంది..ఈ క్రమంలోనే బ్రెజిల్ నుంచి వచ్చిన ప్రయాణికుల జన్యు నమూనాలను సేకరించి విశ్లేషణ జరుపగా సరికొత్త వైరస్ ను గుర్తించినట్లు NIV తెలిపింది.

ఈ విధమైనటువంటి కొత్త వేరియంట్ తీవ్రమైన కరోనా లక్షణాలను కలిగించిందని ఈ వ్యాధి తీవ్రత అధికమవుతుందని నేపథ్యంలో టీకా సామర్థ్యాన్ని పరిరక్షించాలి ఉందని పేర్కొన్నారు. ఈ క్రమంలోనే ఈ అధ్యయనంలో భాగంగా మన ఇండియాలో వేస్తున్న టువంటి కొవాగ్జిన్ టీకా సామర్థ్యం గణనీయంగా ఉండటంతో మన శరీరంలో యాంటీబాడీల ఉత్పత్తి అధికంగా పెరుగుతుందని తెలిపారు.

ఈ విధమైనటువంటి కొత్త వేరియంట్ తీవ్ర వ్యాధికారకత సామర్థ్యాన్ని పెంచుకునే విధంగా మార్పు చెందగలదని నిపుణులు భావిస్తున్నారు. ఈ క్రమంలోనే SARS-CoV-2 జీనోమ్ సీక్వెన్సింగ్ కన్సార్టియా పెంచాలని ప్రభుత్వం ఆలోచన చేస్తున్నట్లు తెలిపారు. ఇకపోతే మనదేశంలో వేస్తున్నటువంటి కొవాగ్జిన్, కొవిషీల్డ్‌ టీకాలు రెండూ సమర్థంగా పనిచేస్తున్నాయని తాజా అధ్యయనంలో తేలిందని నిపుణులు వెల్లడించారు.