Niharika : ఒక్కడు సినిమాలో మహేష్ బాబు చెల్లి ఇప్పుడు ఎలా ఉందో ఏం చేస్తోందో తెలుసా..?!

Niharika : ఒక్కడు సినిమాలో మహేష్ బాబు చెల్లిగా ఒరే అన్నయ్య అంటూ చిలిపి అల్లరి చేస్తూ అందరిని ఆకట్టుకున్న అమ్మాయి నిహారిక. మోహన్ బాబు నటించిన యామజాతకుడు, వెంకటేష్ ప్రేమించుకుందాం రా సినిమాలతో అలరించిన ఈ అమ్మాయి ఆ తరువాత సినిమాల్లో కనిపించలేదు. సినిమాలకు దూరమై చదువుకుని కెరీర్ పై దృష్టి పెట్టి సెటిల్ అయింది.

అందుకే సినిమాల్లో నటించలేదు….

ఇక ప్రేమించుకుందాం రా సినిమా 25 సంవత్సరాలు పూర్తి చేసుకున్న సందర్బంగా పార్టీ చేసుకున్నారు సినిమా యూనిట్. ఇక ఆ పార్టీలో చాలా రోజుల తరువాత మీడియాకు నిహారిక కనిపించింది. రాజకీయ నేపథ్యం ఉన్న కుటుంబంలోకి పెళ్లి చేసుకుని వెళ్లిన నిహారికకు ఇద్దరు పిల్లలు. తన భర్తకు అల్లు అర్జున్ స్నేహితుడట. చాలా సంవత్సరాల తరువాత కనిపించిన నిహారిక పలు ఇంటర్వ్యూల్లో పాల్గొని సినిమాల్లో నటించకపోడానికి కారణాలు వివరించింది. సినిమాల విషయంలో మొదటి నుండి తన కుటుంబానికి ఇష్టం లేదని ఆయా సినిమాలో ఎవరో ఒక తెలిసిన వ్యక్తి బలవంతం మీదనే తన తండ్రి సినిమాల్లో నటించడానికి ఒప్పుకున్నారట.

ఇక ఒక్కడు సినిమా తరువాత అవకాశాలు వచ్చినా ఆసక్తి చూపలేదని చదువుపై దృష్టి పెట్టాలని సినిమాలు వద్దనుకున్నట్లు చెప్పింది. ఇపుడు ఇండస్ట్రీలోకి రావాలని అనుకుంటున్నారా అని అడుగగా ఆ ఆలోచన లేదని, ఇప్పటివరకు లేదని చెప్పింది. ప్రస్తుతం పిల్లలు పెద్దవాళ్ళు అయ్యారు కాబట్టి ఫిల్మ్ స్కూల్ పెట్టాలని ప్లాన్ చేస్తున్నట్లు వివరించింది. ఇక నిహారిక ఇష్టమైన హీరో ఎవరో తెలుసా ఒక్కడు లో తన అన్నయ్య మహేష్ బాబునే. అందుకే ఆ సినిమాను 10 తరగతి అయినా సినిమా చేయాలని ఇంట్లో వాళ్ళని ఒప్పించి మరీ చేసిందట.