Nithin: ఇండస్ట్రీలోకి ఎంటర్ ఇవ్వబోతున్న మరో లేడీ డైరెక్టర్… అసలు విషయం చెప్పిన హీరో నితిన్!

Nithin: ఒక సినిమాని అద్భుతంగా ముందుకు నడిపించాలి అంటే డైరెక్టర్ పాత్ర ఎంతో కీలకమైనదని చెప్పాలి. ఇలా డైరెక్టర్ సినిమాని మొత్తం తన భుజాలపై వేసుకుని ముందుకు నడిపిస్తూ ఉంటారు.ఈ విధంగా ఇండస్ట్రీలోకి ఇప్పటికే ఎంతోమంది కొత్త కొత్త డైరెక్టర్లు వస్తూ అద్భుతమైన విషయాలను అందుకుంటున్నారు.

ఇండస్ట్రీలో ఇప్పటికే ఎంతోమంది డైరెక్టర్లు ఉన్నప్పటికీ లేడీ డైరెక్టర్లు చాలా తక్కువ మంది ఉన్నారు. ముఖ్యంగా
ఇప్పటికే ఇండస్ట్రీలో నందిని రెడ్డి, సుధా కొంగర వంటి మహిళా దర్శకులు పనిచేస్తున్నారు.అయితే తాజాగా ఇండస్ట్రీకి మరో మహిళా దర్శకురాలు పరిచయం కాబోతోంది అంటూ యంగ్ హీరో నితిన్ ఈ విషయాన్ని సోషల్ మీడియా వేదికగా తెలియజేశారు. మరి నీది చెబుతున్నటువంటి ఆ యంగ్ లేడీ డైరెక్టర్ ఎవరు ఏంటి అనే విషయానికి వస్తే…

ఇండస్ట్రీలో కాస్ట్యూమ్ డిజైనర్ గా పనిచేస్తూ ఎంతో మంది సెలబ్రిటీలకు ప్రత్యేకంగా డిజైన్ చేసి ఎంతో మంచి ఆదరణ సంపాదించుకున్న నీరజ కోన ఇండస్ట్రీకి డైరెక్టర్ గా పరిచయం కాబోతున్నట్లు తెలుస్తోంది. 2013 వ సంవత్సరంలో ఎన్టీఆర్ నటించిన బాద్షా సినిమాకు కాస్ట్యూమ్ డిజైనర్ గా ఇండస్ట్రీకి పరిచయమైనటువంటి నీరజ అనంతరం పలు సినిమాలలోని పాటలకు లిరిసిస్ట్ గా పని చేశారు. ఇక ప్రస్తుతం ఈమె ఏకంగా డైరెక్టర్ గా మారబోతున్నారని తెలిపారు.

Nithin: నీరజ డైరెక్షన్లో నితిన్…

ఇక ఇదే విషయాన్ని తెలియజేస్తూ తనకు చాలా సంతోషంగా ఉందని స్క్రిప్ట్ కూడా చాలా అద్భుతంగా ఉందని చెప్పుకొచ్చాడు. దీన్ని బట్టి చూస్తుంటే నీరజ కోన దర్శకత్వంలో నితిన్ హీరోగా సినిమా చేయబోతున్నారని అర్థమవుతుంది త్వరలోనే దీనికి సంబంధించి అఫీషియల్ అనౌన్స్మెంట్ రానున్నట్టు తెలుస్తుంది. ఇక ఈమె సమంతకు కూడా చాలా క్లోజ్ ఫ్రెండ్ అనే విషయం మనకు తెలిసిందే.