Nithya Menon: ఈ ఒత్తిడి నావల్ల కాదు…. ఇండస్ట్రీకి గుడ్ బై…. నటి నిత్యమీనన్ సంచలన వ్యాఖ్యలు?

Nithya Menon: తెలుగు చిత్ర పరిశ్రమలో హీరోయిన్ గా కొనసాగుతూ ఎంతో మంచి గుర్తింపు సంపాదించుకున్న వారిలో నటి నిత్యమీనన్ ఒకరు. ఈమె నాని హీరోగా నటించిన అలా మొదలైంది సినిమా ద్వారా తెలుగు చిత్ర పరిశ్రమకు హీరోయిన్గా పరిచయమయ్యారు. ఇలా మొదటి సినిమాతోనే ఎంతో మంచి సక్సెస్ అందుకున్న నిత్యమీనన్ అనంతరం కన్నడ మలయాళం తమిళ భాష చిత్రాలలో నటిస్తూ ప్రేక్షకులను మెప్పించారు.

సినిమాలంటే ఏమాత్రం ఆసక్తి లేనటువంటి ఈమె ఇండస్ట్రీలోకి అడుగుపెట్టి ఎంతో మంచి సక్సెస్ అందుకున్నారు. ఇక ఇటీవల తమిళంలో ఈమె నటించిన తిరు సినిమాకు గాను ఏకంగా నేషనల్ అవార్డు రావడం విశేషం. ఇక నిత్యా మీనన్ కేవలం సినిమాలలో నటించడమే కాకుండా నిర్మాతగా కూడా పలు వెబ్ సిరీస్ లను నిర్మించారు. అలాగే వెబ్ సిరీస్ లలో నటించారు.

ఇక బుల్లితెర కార్యక్రమాలకి జడ్జిగా కూడా వ్యవహరిస్తూ కెరియర్ పరంగా ఎంతో బిజీగా ఉన్నటువంటి ఈమె ఇటీవల ఒక ఇంటర్వ్యూలో పాల్గొన్నారు. నిత్యామీనన్ నటించిన తాజా చిత్రం కాదలిక్క నేరమిల్లై. ఈ సినిమా త్వరలోనే విడుదల కాబోతున్న నేపథ్యంలోప్రమోషన్ కార్యక్రమాలలో పాల్గొన్నారు. ఈ ప్రమోషన్ కార్యక్రమాలలో భాగంగా ఈమె తన కెరీర్ గురించి పలు విషయాలను వెల్లడించారు.

తనకు సినిమా ఇండస్ట్రీ అంటే ఏమాత్రం ఇష్టం లేదని తెలిపారు. ఇండస్ట్రీలో హీరోయిన్గా కొనసాగుతూ ఆ ఒత్తిడిని భరించడం నాకు చాలా కష్టమైంది అందుకే సినిమా ఇండస్ట్రీకి దూరంగా వెళ్లాలని భావించాను. ఒక ప్రశాంతమైన జీవితం గడపడానికి తాను ఇష్టపడతానని అందుకే ఇండస్ట్రీకి దూరం అవ్వాలని అనుకున్నట్లు నిత్యమీనన్ ఈ సందర్భంగా వెల్లడించారు.

ఇలాంటి ఆలోచనలో ఉన్న నన్ను నేషనల్ అవార్డు పూర్తిగా మార్చేసిందని తెలిపారు. నేషనల్ అవార్డు రావడంతో తన ఆలోచనను మార్చుకున్నాను అని తెలిపారు. నటిగా నాకు ఈ అవార్డు రావడం పట్ల మరింత బాధ్యతను పెంచిందని ఈ సందర్భంగా నిత్యామీనన్ చేసిన కామెంట్స్ వైరల్ అవుతున్నాయి.