Niharika: సినిమా కోసం ఒంటరి పోరాటం చేస్తున్న నిహారిక.. మెగా సపోర్ట్ దక్కలేదా?

Niharika: మెగా డాటర్ నిహారిక విడాకులు తీసుకొని విడిపోయిన తర్వాత కెరియర్ పై పూర్తి స్థాయిలో దృష్టి పెట్టి వరుస సినిమాలలో నటించడమే కాకుండా నిర్మాతగా మారి సినిమాలను వెబ్ సిరీస్ లను నిర్మిస్తూ ఎంతో బిజీగా ఉన్నారు. ఈ విధంగా నిహారిక నిర్మించిన కమిటీ కుర్రోళ్ళు సినిమా గ్రామీణ నేపథ్యంలో తెరకెక్కింది. ఈ సినిమా ద్వారా కొత్తవాళ్లు ఇండస్ట్రీకి పరిచయం కాబోతున్నారు.

ఇక ఈ సినిమా ఆగస్టు 9వ తేదీ విడుదల కానున్న నేపథ్యంలో ఈ సినిమా ప్రమోషన్ కార్యక్రమాలు అన్నింటిని నిహారిక తన భుజాలపై వేసుకొని ఒంటరిగా పోరాటం చేస్తున్నారు. మెగా కుటుంబంలో ఎంతో మంది స్టార్ సెలబ్రిటీలో ఉన్నారు వీరంతా ఇతర హీరోలకు సపోర్ట్ చేస్తూ ఉంటారు అలాంటిది మెగా డాటర్ కి మాత్రం ఎలాంటి సపోర్ట్ చేయడం లేదు.

ఇదే విషయం గురించి నిహారికకు ఒక ఇంటర్వ్యూలో ప్రశ్న ఎదురయింది. ఈ ప్రశ్నకు ఈమె ఆసక్తికరమైన సమాధానాలు చెప్పారు.. నా సినిమాకు సపోర్ట్ చేయడం కోసం మానాన్నే దొరకట్లేదు అంటూ తెలిపారు. నాన్న రాజకీయ పనుల నిమిత్తం మంగళగిరిలోనే ఉంటున్నారని కనీసం ఇంటికి కూడా రావడం లేదని తెలిపారు. ఇక బాబాయ్ కి క్షణం తీరికలేదు.

అందరూ బిజీబిజీ..
అన్నయ్య తన తదుపరి సినిమా కోసం వైజాగ్ లోనే షూటింగ్ పనులలో బిజీగా ఉన్నారు. ఇక పెదనాన్న రామ్ చరణ్ అన్న పారిస్ ఒలంపిక్స్ వేడుకలలో బిజీ అయ్యారు. ఇక వదిన కాలు ఫ్యాక్చర్ కావడంతో డెహ్రాడూన్ లోనే ఉన్నారని నిహారిక తెలిపారు. ఈ విధంగా వీరందరూ నా సినిమా విడుదల సమయానికి బిజీ అయ్యారని అందుకే ఎవరు సపోర్ట్ చేయలేకపోతున్నారంటూ అసలు విషయం వెల్లడించారు. ఇక వీరందరూ ఫ్రీ అయిన తర్వాత తప్పకుండా నా సినిమా చూపిస్తానని నిహారిక వెల్లడించారు.