హీరోయిన్ శారద భర్త చెంప చెళ్లుమనిపించిన ఎన్టీ రామారావు.. ఎందుకో తెలుసా?

ఆంధ్ర ప్రదేశ్ రాష్ట్రం గుంటూరు జిల్లా తెనాలి లో 1945 జూలై 25వ తేదీన జన్మించిన సరస్వతి దేవి సినిమా పరిశ్రమలో అరంగేట్రం చేసి తన పేరును శారదా గా పేరు మార్చుకున్నారు. శారదా తన చిన్న వయస్సులోనే చెన్నై లో నివసిస్తున్న తన అమ్మమ్మ గారి ఇంటికి వెళ్లి అక్కడే పెరిగి పెద్ద అయ్యారు. తల్లి కోరిక మేరకు ఆరేళ్ల వయసులోనే శారద డాన్స్ నేర్చుకున్నారు. ఆమె పెరిగి పెద్దయిన తర్వాత మళ్ళీ తన తల్లి గారే తనని హీరోయిన్ గా చూడాలని బాగా తపన పడ్డారు. దాంతో తల్లి కోరిక మేరకు ఆమె సినిమా పరిశ్రమలో అరంగేట్రం చేసి తెలుగు, తమిళ, కన్నడ, హిందీ, మలయాళ భాషా చిత్రాల్లో నటించి స్టార్ హీరోయిన్ గా ఎదిగి ఎంతో పేరు ప్రఖ్యాతలు సంపాదించారు. ఊర్వశి అనే అవార్డు లభించడంతో ఆమెను ఊర్వశి శారదగా అని సినీ అభిమానులు పిలుస్తుంటారు.

శారదా పెళ్లి చేసుకున్న తర్వాత అన్ని విషాదకరమైన సంఘటనలే చోటుచేసుకున్నాయి. ఆమె స్టార్ హీరోయిన్ గా కొనసాగుతున్న సమయంలో కొరడా సింహాచలం పై మనసు పారేసుకున్నారు. అప్పటికే చలం ఎన్నో సినిమాల్లో నటించి మంచి యాక్టర్ గా స్థిరపడ్డారు. అయితే వీళ్ళిద్దరూ కలిసి కొన్ని సినిమాల్లో నటించడం కారణంగా వారి మధ్య స్నేహం, ప్రేమ పుట్టుకొచ్చాయి. ఆ తర్వాత ఆమె చలం ని పెళ్లి చేసుకున్నారు. ఇక అప్పటినుంచి ఆమె జీవితం ముళ్లబాట లా మారిపోయింది. పైకి అమాయకపు చక్రవర్తి లా కనిపించే చలం శారదా ని మానసికంగా, శారీరకంగా బాగా హింసించేవాడట. సినిమాలలో హీరో పాత్రలలో నటించే అతను నిజ జీవితంలో అతి పెద్ద విలన్ గా మారి తన భార్య శారదాకు నరకం చూపించేవాడట. ముఖ్యంగా శారదా ని బాగా అనుమానిస్తూ ఆమెను మానసికంగా హింసించే వాడట. భర్త ప్రతి రోజు అనుమానిస్తున్నడంతో ఆమె ఆ బాధను తాళలేక తీవ్ర మానసిక క్షోభకు గురయ్యారట.

స్టార్ హీరోయిన్ కాబట్టి తరచూ సినిమా షూటింగులు వెళ్లేవారు శారదా. అయితే షూటింగ్ కి వెళ్ళిన ప్రతిసారీ ఆమెను అనుమానిస్తూ ఉండేవాడు చలం. సినిమా సెట్స్ కి వెళ్లి శారదను కొట్టిన సందర్భాలు కూడా కోకొల్లలుగా ఉన్నాయట. 1971వ సంవత్సరం లో విడుదలైన జీవిత చక్రం సినిమాలో ఎన్టీఆర్, శారద, వాణిశ్రీ ప్రధాన పాత్రలలో నటించారన్న సంగతి తెలిసిందే. అయితే ఈ సినిమా చిత్రీకరణ జరిగే సమయంలో శారద మేకప్ రూమ్ లోకి పూటుగా మద్యం తాగి వచ్చిన చలం శారద పై చెయ్యి చేసుకున్నాడు. అయితే ఈ విషయం కాస్త ఎన్టీరామారావు కి తెలియడంతో ఆయన వెంటనే శారదా వద్దకు వచ్చి ఆమెను ఓదార్చి.. ఆపై “ఏం, చలం!! ఆడవారిని చూసుకునే విధానం ఇదేనా?” అని ఆవేశంగా గద్దయిస్తూ చంప చెల్లుమనిపించారట. కొన్నేళ్లు గడిచిన తరువాత తన భర్త అనుమానం విపరీత రూపం దాల్చడంతో ఇక చేసేదేమీ లేక అతనికి విడాకులు ఇచ్చేసింది శారద. ఆ తర్వాత శారద మళ్లీ పెళ్లి చేసుకోలేదు.