NTR – Koratala: కొరటాల శివ – ఎన్టీఆర్ సినిమాతో ఎవరి సెంటిమెంట్ గెలుస్తుందో..?

NTR – Koratala: ప్రస్తుతం ఎన్టీఆర్, రాజమౌళి దర్శకత్వంలో వచ్చిన ఆర్ఆర్ఆర్ ఘన విజయం తర్వాత కొరటాల శివ దర్శకత్వంలో సినిమా చేయబోతున్న సంగతి తెలిసిందే. కానీ ఎన్టీఆర్ అభిమానులు మాత్రం ఆర్ఆర్ఆర్ సినిమా తర్వాత ఎన్టీఆర్ చేయబోయే చిత్రం కొరటాల శివ దర్శకత్వంలో సినిమా కాకపోతే బాగుండు అని అనుకుంటున్నారు. కొరటాల శివ దర్శకత్వంలో సినిమా ఆల్మోస్ట్ ఖరారు అయ్యాక ఫ్యాన్స్ ఇలా ఆలోచించడానికి కూడా కారణాలు లేకపోలేదు. కొన్ని సెంటిమెంట్ లను ద్రుష్టి లో పెట్టుకొని ఫాన్స్ ఇలా ఆలోచిస్తున్నారట…

రాజమౌళి సెంటిమెంట్….

రాజమౌళి సినిమాల సెంటిమెంట్‌ ఎన్టీఆర్ సినిమాపై ఎక్కడ దెబ్బ పడుతుందా అని ఫ్యాన్స్‌ ఆందోళనపడుతున్నారు. రాజమౌలి తో సినిమా తీసిన తరువాత ఆ హీరో కి తరువాతి సినిమా ప్లాప్ అవుతుంది అని ఇండస్ట్రీ లో సెంటిమెంట్. అయితే ఇండస్ట్రీ ఇలాంటి సెంటిమెంటులని బాగా నమ్ముతోంది. ఇటీవల రామ్ చరణ్ మెగాస్టార్ కలసి నటించిన ఆచార్య ఎంతటి డిజాస్టర్ అయిందో తెలిసిందే. అయితే ఇపుడు రాజమౌళి సెంటిమెంట్ ఎన్టీఆర్ – కొరటాల శివ సినిమా మీద పడుతుందేమో అని ఫాన్స్ భయపడుతున్నారు. అయితే ఎన్టీఆర్ ఈ సెంటిమెంట్ నుండి బయటపడాలని కోరుకుంటున్నారు. అయితే ఎన్టీఆర్ సినిమాలకు ఇంకొక సెంటిమెంట్ కూడా ఉంది.

ప్లాప్ డైరెక్టర్ సెంటిమెంట్…..

ఎన్టీఆర్ సినిమాలలో ఇంకో సెంటిమెంట్ కూడా ఇపుడు తెరమీదకు వచ్చింది. రీసెంట్‌గా డిజాస్టర్ వచ్చిన డైరక్టర్‌తో సినిమా చేస్తే ఎన్టీఆర్ హిట్‌ కొడతాడు అనే సెంటిమెంట్‌ కూడా ఉంది. ‘నాన్నకు ప్రేమతో’ ‘అరవింద సమేత’, ‘జై లవకుశ’ సినిమాల విజయాలే ఇందుకు ఉదాహరణ. అయితే కొరటాల శివ కు కూడా ఆచార్య సినిమాతో డిజాస్టర్ వచ్చినట్లే. ఇప్పుడు ఫ్లాప్ ఇచ్చిన కొరటాల శివ ఎన్టీఆర్ తో సినిమా తీస్తే అది విజయం సాధిస్తుంది అని కూడా అభిమానులు నమ్ముతున్నారు. పైగా కొరటాల శివ ఎన్టీఆర్ కాంబినేషన్ లో వచ్చిన జనతా గ్యారేజ్ ఎంతటి విజయాన్ని సాధించిందో అందరికి తెలిసిందే. ఇప్పుడు ఎన్టీఆర్ కు అంతకుమించిన విజయం ఇవ్వడానికి కొరటాల రెడీ గా ఉన్నారు. తాజాగా కథ అద్భుతంగా ఉంటుందని, ఖచ్చితంగా పెద్ద విజయం సాధిస్తుంది అంటూ కొరటాల చెప్పారు . చూడాలి మరి ఎన్టీఆర్ కొరటాల శివ సినిమాకు ఏ సెంటిమెంట్ పనిచేస్తుందో.