Parineethi Chopra: బాలీవుడ్ ఇండస్ట్రీలో హీరోయిన్ గా గుర్తింపు పొందిన పరిణితి చోప్రా గురించి ప్రత్యేకంగా పరిచయం చేయాల్సిన అవసరం లేదు. తన అందం అభినయంతో ప్రేక్షకులను ఆకట్టుకున్న పరిణతి ఇండస్ట్రీలో హీరోయిన్ గా మంచి గుర్తింపు పొందింది. ఇది ఇలా ఉండగా తాజాగా పరణీతి చోప్రాకి ఆమ్ ఆద్మీ పార్టీ లీడర్ రాఘవ్ చడ్ఢాతో ఎంగేజ్మెంట్ జరిగింది.

శనివారం నాడు రాత్రి దిల్లీలోని రాఘవ్ స్వగృహంలో వీరిద్దరి నిశ్చితార్థ వేడుక ఘనంగా జరిగింది. ఈ నిశ్చితార్థ వేడుకకు ఇరువురి కుటుంబసభ్యులతో పాటు మరి కొంతమంది సన్నిహితులు కూడా హాజరయ్యారు. ప్రస్తుతం వీరి ఎంగేజ్మెంట్ కి సంబంధించిన ఫోటోలు సోషల్ మీడియాలో వైరల్ అవుతున్నాయి.
ఈ క్రమంలో పలువురు సెలబ్రిటీలతో పాటు రాజకీయ ప్రముఖులు, అభిమానులు కూడా వీరికి శుభాకాంక్షలు తెలియజేస్తున్నారు.

ఎంగేజ్మెంట్ కి సంబంధించిన ఫోటోలు, వీడియోలను పరిణతి చోప్రా సోషల్ మీడియాలో షేర్ చేయడంతో అవి ప్రస్తుతం వైరల్ అవుతున్నాయి. రాజకీయ నాయకులను అస్సలు పెళ్లి చేసుకోనని చెప్పిన పరిణితి ఇప్పుడు ఇలా రాఘవ్ ని నిశ్చితార్థం చేసుకోవడంతో అందరూ ఆశ్చర్యపోతున్నారు. మార్చి నెలలో పరిణీతి-రాఘవ్ లంచ్ డేట్‌లో కలిసిన తర్వాత వీరి గురించి డేటింగ్ రూమర్లు మొదలయ్యాయి. ఆ తర్వాత చాలా సందర్భాల్లో ఇద్దరూ కలిసి కెమెరాకు చిక్కారు. అయినప్పటికీ వారి రిలేషన్ గురించి బయట పెట్టకుండా సీక్రెట్ మైంటైన్ చేశారు.

Parineethi Chopra:

స్నేహితుడితో ఏడడుగులు వేయనున్న పరిణితి….
ఇలా గత కొంతకాలంగా వీరి మధ్య రిలేషన్ గురించి అనేక వార్తలు వినిపిస్తున్నప్పటికీ స్పందించకుండా ఒక్కసారిగా ఇలా నిశ్చితార్థం చేసుకొని అందరికీ షాక్ ఇచ్చారు. ఇండస్ట్రీ వర్గాల సమాచారం ప్రకారం పరిణితీ-రాఘవ్ ఇద్దరూ లండన్ స్కూల్ ఆఫ్ ఎకనామిక్స్‌లో కలిసి చదువుకున్నారని తెలుస్తోంది. అప్పటి నుంచే వీరు స్నేహితులుగా ఉన్నారు. ఆ స్నేహం కాస్త ప్రేమగా మారి పెళ్లికి దారితీస్తోంది. ఇదిలా ఉండగా పెళ్లి తేది గురించి పూర్తి సమాచారం తెలియాల్సి ఉంది.