Pavithra Lokesh : హోమ్లీ ఇమేజ్ ను డామేజ్ చేసుకున్న పవిత్ర లోకేష్… ఇక అవకాశాలు వచ్చేనా…!

Pavithra Lokesh : గత కొన్నిరోజులుగా ఎక్కడ చూసినా సోషల్ మీడియాలో బాగా కనిపిస్తున్న హాట్ కపుల్ నరేష్, పవిత్ర లోకేష్ జంట. ఇక వీరి మధ్య ఉన్న రిలేషన్ ఏంటనేది పక్కన పెడితే వీళ్ళ రిలేషన్ మీద జరిగిన రచ్చ వల్ల వాళ్లకు జరిగిన డామేజే ఎక్కువైంది. ఒక పక్క నరేష్ మూడో భార్య రమ్య మరో వైపు పవిత్ర లోకేష్ మాజీ భర్త సుచేంద్ర మీడియా ముందుకు వచ్చి పవిత్ర క్యారెక్టర్ ను బ్యాడ్ చేసేశారు. ఇక మీడియాలో కూడా ప్రతి రోజూ నరేష్ పవిత్ర లోకేష్ ల ముచ్చటే.

హోమ్లీ ఇమేజ్ పోయినట్టే.. ఇక అవకాశాలు కష్టమే…

ఇక మనం తెలుగులో ఒక పాత సమెత లాగా ‘ఆకు వచ్చి ముళ్ళు మీద పడ్డ ముళ్ళు వచ్చి ఆకు మీద పడ్డ’ అన్న చందంగా తయారైంది పవిత్ర లోకేష్ పరిస్థితి. పవిత్ర లోకేష్ కర్ణాటక కు చెందిన స్టార్ యాక్టర్ మైసూర్ లోకేష్ కూతురు. తండ్రి ద్వారా సినిమాల్లోకి హీరోయిన్ గా ఎంట్రీ ఇచ్చిన పవిత్ర అంతగా రానించలేక పోయినా క్యారెక్టర్ ఆర్టిస్ట్ గా రాణించింది. ఇక మొదటి పెళ్లి విఫలమయ్యాక రెండో సారి సుచేంద్ర ప్రసాద్ తో రిలేషన్ లో ఉన్న పవిత్రకు ఇద్దరు పిల్లలు కూడా ఉన్నారు. ఇక సెకండ్ ఇన్నింగ్స్ లో తెలుగులో తల్లి పాత్రలతో బాగా బిజీ ఆర్టిస్ట్ అయిన పవిత్ర లోకేష్ కు మంచి డీసెంట్ హోమ్లీ ఇమేజ్ ఉంది. తన వ్యక్తిగత విషయాలు పెద్దగా ఎవరికీ తెలియక పోవడం వల్ల తెలుగు ప్రేక్షకులకు ఆమెపై మంచి అభిప్రాయం ఉంది.

కానీ గత కొన్నిరోజులుగా జరుగుతున్న పరిణామాలు, నరేష్ తో ఒకే హోటల్ గదిలో నరేష్ భార్యకు దొరికిపోవడం, స్ట్రింగ్ ఆపరేషన్ లో సహజీవనం చేస్తున్నాము అంటూ చెప్పడంతో ఆమె ఇమేజ్ డామేజ్ అయింది. పెళ్ళైన ఒక వ్యక్తితో ఇంకా విడాకులు తీసుకోకముందే ఒక రిలేషన్ లో ఉండడం ఏమిటి అంటూ అందరూ ఆశ్చర్య పోతున్నారు. ఇక ఈ విషయాలన్ని నరేష్ కెరీర్ మీద ఎంత ప్రభావం చూపుతాయో తెలియదు కానీ, పవిత్ర లోకేష్ కవర్ కు మాత్రం దెబ్బపడ్డట్టే అనిపిస్తోంది. తన ఇమేజ్ ను తానే డామేజ్ చేసుకుంది. అదికాక మీడియా కూడా నరేష్ పవిత్ర లోకేష్ ల బంధాన్ని హైలైట్ చేస్తూ కథనాలు ప్రసారం చేయడంతో ఆమెకు ఇక సినిమా అవకాశాలు రావడం కష్టమే అని చాలా మంది అభిప్రాయ పడుతున్నారు.