RGV: ఇటీవల ఏపీ ప్రభుత్వానికి.. సినిమా పరిశ్రమకు మధ్య పెద్ద వార్ నడిచిన విషయం తెలిసిందే. టికెట్ల రేట్లను తగ్గించిన ప్రభుత్వం.. సామాన్యుడికి అందుబాటులో ఉండే ధరలను నిశ్చయించింది. కానీ ఇది సినీ నిర్మాతలకు నష్టం వాటిల్లే చర్యగా మారింది. దీంతో సినిమా టికెట్స్ పెంచాలని సినీ పెద్దలు ప్రభుత్వాన్ని వేడుకుంటున్నారు.

దీనిలో భాగంగానే రామ్ గోపాల్ వర్మ మంత్రి నానీతో భేటీ అయిన విషయం తెలిసిందే. కానీ ఎలాంటి ఉపయోగం లేకుండా పోయింది. దీనిపై ఎలాంటి నిర్ణయం తీసుకోలేదు. ఇక తాజాగా మెగస్టార్ చిరంజీవితో పాటు.. మరికొంతమంది సినీ పెద్దలు ఏపీ సీఎం జగన్ తో భేటీ అయి.. ఈ సమస్యపై చర్చించినట్లు తెలుస్తోంది.

ప్రభుత్వానికి , ఫిల్మ్ ఇండస్ట్రీకి ప్రయోజనం ఉండే విధంగా చర్యలు ఉండనున్నట్లు తెలుస్తోంది. దీనిపై రాబోయే రెండు మూడు వారాల్లో తుది ఉత్తర్వులు వచ్చే అవకాశం ఉంది. ఈ డిస్కషన్స్ పై ఆర్జీవీ స్పందించాడు. గురువారం సీఎంతో భేటీ అయిన చిరంజీవి, సినీ పెద్దలకు సంబంధించి వీడియో ట్విట్టర్ ఖాతాలో పోస్టు చేశారు.

ఆర్జీవీ వాటిని కొద్ది సేపటి తర్వాత..

దీనిలో మెగస్టార్ ను టార్గెట్ చేస్తూ.. ఆర్జీవీ విమర్శలు గుప్పించాడు. నేను ఒక మెగా ఫ్యాన్ అని.. చిరంజీవి అడుక్కునే విధానం చూసి చాలా బాధపడ్డాను అంటూ ట్వీట్ చేశాడు. అంతే కాకుండా.. పవన్ కళ్యాణ్ ఇలా బెగ్గింగ్ చేస్తూ ఎప్పుడు తనకు కనిపించలేదు అని.. చిరంజీవి కంటే పవన్ కళ్యాణ్ ఎక్కువ పాపులర్ అని ట్వీట్ మోత మోగించాడు. అందుకే చిరంజీవి కంటే కూడా.. పవన్ కళ్యాన్ కు ఎక్కువ ఫ్యాన్స్ ఉంటారని అన్నారు. ఇలా మెగస్టార్ పై సెటైరికల్ ట్వీట్లు చేసిన ఆర్జీవీ వాటిని కొద్ది సేపటి తర్వాత రిమూవ్ చేశాడు. ఆర్జీవీ ఓ ట్వీట్ పెట్టి.. రిమూవ్ చేయడం అంటే.. దాదాపు అతడి కెరీర్లో చాలా తక్కువ. ఇలా ట్వీట్ పెట్టడం.. రిమూవ్ చయడంపై సినీ వర్గాల్లో తీవ్రంగా చర్చలు నడుస్తున్నాయి.