Poonam Kaur: రానా పాత్రలో మంత్రి కొడాలి నాని చేసి ఉంటే సినిమా బ్లాక్ బాస్టర్ అయ్యేది… పూనమ్ కౌర్ సంచలన ట్వీట్!

Poonam Kaur: సినిమాల కన్నా వివాదాల ద్వారా ఎక్కువగా వార్తల్లో నిలుస్తూ ఎంతో మంచి గుర్తింపు సంపాదించుకున్న నటి పూనమ్ గురించి ప్రత్యేకంగా చెప్పాల్సిన పనిలేదు. ఈమె నిత్యం ఏదో ఒక వివాదంతో వార్తల్లో నిలుస్తూ బాగా పాపులారిటీ దక్కించుకున్నారు.

ఇదిలా ఉండగా పవన్ కళ్యాణ్ నటించిన భీమ్లా నాయక్ సినిమా ఫ్రీ రిలీజ్ వేడుక నుంచి ఈమె ఏదో ఒక సంచలన ట్వీట్ ద్వారా వార్తల్లో నిలుస్తున్నారు. ఇలా ప్రతిసారి ట్వీట్ చేయడం డిలీట్ చేయడంతో ఈమె చేసే ట్వీట్స్ గురించి నెటిజన్లు తీవ్ర స్థాయిలో చర్చలు జరుపుతున్నారు. ఇదిలా ఉండగా తాజాగా పవన్ కళ్యాణ్ సినిమా విడుదలైన తర్వాత మరోసారి పూనమ్ సంచలన ట్వీట్ ద్వారా వార్తల్లో నిలిచారు.

అయితే ఈ ట్వీట్ రామ్ గోపాల్ వర్మ నుంచి ఇన్ స్పైర్ అయ్యి ట్వీట్ చేశానని చెప్పడం గమనార్హం.ఈ క్రమంలోనే పవన్ కళ్యాణ్ నటించిన భీమ్లా నాయక్ సినిమాలో డానియల్ శేఖర్ పాత్ర (మతం మార్చుకున్న క్రిస్టియన్) లో ఏపీ మినిస్టర్ మంత్రి కొడాలి నాని కనుక నటించి ఉంటే బొమ్మ బ్లాక్ బస్టర్ హిట్ అయ్యేది అంటూ ట్వీట్ చేశారు. అయితే కాసేపటికే ఆ ట్వీట్ ను తొలగించారు పూనమ్ కౌర్.

మంత్రి కొడాలి నానిని ఉద్దేశిస్తూ…

ఇలా ట్వీట్ చేయడమే కాకుండా జస్ట్ ఫర్ ఫన్ అంటూ హాష్ టాగ్ చేశారు. అయితే ఈ ట్వీట్ చేసిన వెంటనే డిలీట్ చేసింది. అయితే ఈమె ట్వీట్ డిలీట్ చేసినప్పటికీ ఈ ట్వీట్ సోషల్ మీడియాలో అప్పటికే వైరల్ గా మారిపోయింది. అయితే ఈమె ప్రతిసారి ఎవరిని ఉద్దేశించి ట్వీట్ చేస్తుందో తెలియక తికమక పడేవారు కానీ ప్రస్తుతం మాత్రం ఏకంగా మంత్రి కొడాలి నానిని ఉద్దేశిస్తూ ట్వీట్ చేయడంతో ఇది కాస్త వైరల్ గా మారింది.