Ilayaraja: సంగీత దర్శకుడు ఇళయరాజా ఇంట తీవ్ర విషాదం.. కూతురు భవతరణి కన్నుమూత!

Ilayaraja: తెలుగు ప్రేక్షకులకు ప్రముఖ సంగీత దర్శకుడు ఇళయరాజా గురించి ప్రత్యేకంగా పరిచయం అక్కర్లేదు. ఎన్నో సినిమాలకు మంచి మంచి సంగీతాలను అందించి సంగీత దర్శకుడుగా మంచి గుర్తింపును తెచ్చుకున్నారు ఇళయరాజా. ఇది ఇలా ఉంటే తాజాగా ఆయన ఇంట తీవ్ర విషాదం నెలకొంది. అనారోగ్యంతో ఆయన కూతురు, గాయకురాలు భవతరణి కన్నుమూశారు. గత కొంతకాలంగా ఆమె క్యాన్సర్​తో​ పోరాడుతున్న ఆమె తాజాగా తుది శ్వాస విడిచారు. తాజాగా పరిస్థితి విషమించడం వల్ల శ్రీలంకలోని ఒక ప్రైవైట్​ ఆస్పత్రిలో చేర్పించి చికిత్స అందించారు. అయినా ఫలితం దక్కలేదు.

ఆరోగ్య పరిస్థితి మరింత విషమించి గురువారం ఆమె కన్నుమూశారు. జనవరి 26 సాయంత్రం ఆమె భౌతికకాయం చెన్నైకి రానున్నట్లు తెలిసింది. అనంతరం అంత్యక్రియలు నిర్వహించనున్నారు. ఆమె మరణవార్త తెలిసిన తమిళ సినీ ప్రముఖులు దిగ్భ్రాంతి వ్యక్తం చేస్తున్నారు. సినీ ప్రియులు కూడా నెట్టింట్లో ఇళయరాజా కుటుంబ సభ్యులకు సానుభూతి తెలలుపుతున్నారు. కూతురి మరణంతో ఇళయరాజా కన్నీరు మున్నీరుగా విలపిస్తున్నారు. ఇక ఆమె మరణ వార్త తెలుసుకున్న పలువురు ప్రముఖులు సెలబ్రిటీలు ఆమెకు సోషల్ మీడియా వేదికగా సంతాపం వ్యక్తం చేస్తున్నారు.

తండ్రి సారథ్యంలో ఎక్కువ పాటలు..

ఇకపోతే భవతరణి విషయానికి వస్తే.. ఈమె తమిళంలో పలు సినిమాలకు మంచి మంచి సాంగ్స్ పాడి సింగర్ గా తనకంటూ ఒక ప్రత్యేకమైన గుర్తింపుని ఏర్పరచుకుంది. ఎక్కువగా తన తండ్రి, సోదరుల సంగీత సారథ్యంలోనే ఎక్కువగా పాటలు పాడి గుర్తింపు తెచ్చుకున్నారు. భారతి సినిమాలోని మయిల్ పోల పొన్ను ఒన్ను అనే తమిళ సాంగ్‌కు ఉత్తమ నేపథ్య గాయనిగా జాతీయ చలనచిత్ర అవార్డు కూడా పొందారు. కాగా సంగీత దర్శకుడు ఇళయరాజాకు ఇద్దరు కుమారులు కార్తీక్ రాజా, యవన్ శంకర్ రాజా కూడా ఉన్నారు అన్న విషయం మనందరికీ తెలిసిందే. కాగా నేడు సాయంత్రం ఆమె భౌతిక కాయం చెన్నైకి రానున్నట్లు తెలుస్తోంది. రేపు అనగా జనవరి 27 ఆమె అంత్యక్రియలు నిర్వహించనున్నట్లు సమాచారం.