Prabhas -Nayantara: ప్రభాస్ తో ఉండడం సరదాగా ఉంటుంది… నయనతార షాకింగ్ కామెంట్స్!

Prabhas -Nayantara: టాలీవుడ్ ఇండస్ట్రీలో యంగ్ రెబెల్ స్టార్ గా ఎంతో పేరు ప్రఖ్యాతలు సంపాదించుకున్న ప్రభాస్ బాహుబలి సినిమాతో పాన్ ఇండియా స్టార్ హీరోగా మారిపోయారు.ఇలా పాన్ ఇండియా హీరోగా ఎంతో మంది ఆదరణ సంపాదించుకున్నటువంటి ఈయన వరుస సినిమాలతో బిజీగా ఉన్నారు. ఇకపోతే తాజాగా ప్రభాస్ గురించి లేడీస్ సూపర్ స్టార్ నయనతార షాకింగ్ కామెంట్స్ చేశారు.

నయనతార నటించిన కనెక్ట్ సినిమా డిసెంబర్ 22వ తేదీ విడుదల కానున్న నేపథ్యంలో మొదటిసారి ఈమె సినిమా ప్రమోషన్ కార్యక్రమాలకు హాజరయ్యారు.ఈ సినిమా ప్రమోషన్ కార్యక్రమాలలో భాగంగా నయనతార యాంకర్ సుమతో కలిసి ఎన్నో వృత్తిపరమైన వ్యక్తిగత విషయాల గురించి ముచ్చటించారు. ఇక ఈమె తెలుగులో చాలామంది హీరోల సరసన నటించిన విషయం మనకు తెలిసిందే.

ఈ క్రమంలోనే ప్రభాస్ తో కలిసి మున్నా సినిమాలో నటించారు నయనతార. ఈ క్రమంలోనే యాంకర్ సుమ నయనతారను ప్రశ్నిస్తూ ప్రభాస్ తో నటించడం ఎలా అనిపించిందని ప్రశ్నించగా ప్రభాస్ గురించి నయనతార చెబుతూ ప్రభాస్ చాలా చిన్న పిల్లల మనస్తత్వం కలిగిన వారు.తనతో కలిసి సినిమా చేసే సమయంలో సెట్ లో ఎంతో సరదాగా జోకులు వేస్తూ ఉండేవారు.

Prabhas -Nayantara: ప్రభాస్ ది చిన్న పిల్లల మనస్తత్వం…

ప్రభాస్ సెట్ లోకి వచ్చారంటే ఒక చోట స్థిమితంగా ఉండరు. దూకడం, ఎగరడం, గంతులు వేస్తూ ఉంటారు. ఈయన సెట్ లో ఉంటే సెట్ మొత్తం అల్లరి అల్లరిగా ఉంటుంది. అందుకే ప్రభాస్ తో షూటింగ్లో ఉండడం చాలా సరదాగా ఉంటుందని ఈమె తెలిపారు.ఇక ప్రస్తుతం ప్రభాస్ స్టార్ హీరో అయ్యారు పాన్ ఇండియా స్థాయిలో సినిమాలు చేస్తూ బిగ్ స్టార్ అయ్యారు. ప్రస్తుతం తను ఎలా ఉంటారనే విషయం తనకు తెలియదని ప్రభాస్ గురించి నయనతార చేసినటువంటి ఈ కామెంట్స్ సోషల్ మీడియాలో వైరల్ అవుతున్నాయి.