Producer Adisheshagiri Rao : కృష్ణ గారి 20 సినిమాలకి ఒక్కో సినిమాకి 5000 రెమ్యూనరేషన్ తీసుకున్నారు… ఆయన తీసుకున్న హైయెస్ట్ రెమ్యూనరేషన్ ఎంతంటే…: నిర్మాత ఆదిశేషగిరి రావు

Producer Adisheshagiri Rao : అలనాటి తెలుగు హీరోల్లో ట్రెండ్ ఫాలో అవకుండా సెట్ చేసిన వాళ్లలో కృష్ణ ముందుంటారు. కొత్తదనాన్ని సినిమా ఇండస్ట్రీకి పరిచయం చేసింది ఖచ్చితంగా సూపర్ స్టార్ కృష్ణ గారే. ఆయన కుటుంబ కథా చిత్రాలు తీసినా, కౌ బాయ్ సినిమాలు తీసినా, గూఢచారి అంటూ వచ్చినా తెలుగు ప్రేక్షకులు ఆదరించారు. మల్టీ స్టారర్ సినిమాలను కూడా ఎక్కువగా దాదాపు అందరి హీరోలతో చేశారు కృష్ణ గారు. తెనాలి వద్ద బుర్రిపాలెం నుండి చెన్నై కి వచ్చి సినిమాల్లో సూపర్ స్టార్ గా ఎదిగిన కృష్ణ గారి మొదటి మరియు హైయెస్ట్ రెమ్యూనరేషన్స్ ఏంటి అనే విషయాన్ని ఆయన తమ్ముడు నిర్మాత ఆదిశేషగిరి రావు ఇటీవల ఒక ఇంటర్వ్యూలో పంచుకున్నారు.

మొదటి 20 సినిమాలకు తీసుకున్న రెమ్యూనరేషన్ అంతే…

కృష్ణ గారు ‘తేనె మనసులు’ సినిమాతో హీరోగా పరిచయమయ్యారు. ఆ సినిమా తరువాత గుడాచారి, అవే కళ్ళు వంటి సినిమాలతో మంచి హిట్స్ అందుకుని వరుస సినిమా అవకాశాలను అందుకున్నారు. ఆ సమయంలో ఆయన అందుకున్న రెమ్యూనరేషన్ 5000 ఒక సినిమాకు అంటూ ఆయన తమ్ముడు ఆదిశేషగిరి రావు తెలిపారు. ఇక మొదట తేనెమనసులు సినిమాకు ఖర్చులకు 350 మాత్రమే ఇచ్చారని తెలిపారు.

ఇక అలా ఒక్కో మెట్టు ఎక్కిన కృష్ణ గారు కెరీర్ మొత్తం లో తీసుకున్న అతి పెద్ధ రెమ్యూనరేషన్ 25 లక్షలు అంటూ చెప్పారు. అయితే కృష్ణ గారు ప్రొడ్యూసర్ అలాగే డిస్ట్రిబ్యూటర్స్ కూడా బాగుపడాలని సినిమా ఫ్లాప్ అయితే నష్టాలను మిగిలిస్తే తీసుకున్న రెమ్యూనరేషన్ వెనక్కి ఇచ్చేవారని తెలిపారు ఆదిశేషగిరి రావు. కొన్నిసార్లు సినిమా పూర్తయ్యాక థియేటర్ కి పంపించడానికి డబ్బు లేకపోతే కృష్ణ గారే సహాయం చేసేవారు అంటూ చెప్పారు.