Producer Adisheshagiri Rao : మీకు తెలిసిన మహేష్ వేరు… మాకు తెలిసిన మహేష్ వేరు… 14 ఏళ్ల వయసులో కారు నడుపుతూ పోలీసులకి దొరికిపోయాడు…: నిర్మాత ఆదిశేషగిరి రావు

Producer Adisheshagiri rao : సూపర్ స్టార్ కృష్ణ గారి తమ్ముడిగా ఇండస్ట్రీలోకి అడుగుపెట్టిన ఆదిశేషగిరి రావు గారు అన్న కృష్ణ గారికి తోడుగా ప్రతి విషయంలోనూ ఉంటూ కుటుంబ బాధ్యతలను చూసుకుంటూ ఉండేవారు. పద్మాలయా స్టూడియోస్ కట్టాక ఆ స్టూడియో బాధ్యతలను ఆయనే చూసుకుంటూ కృష్ణ గారి ఓన్ ప్రొడక్షన్ సినిమాలకు నిర్మాతగా వ్యవహరించేవారు. నటనలో కృష్ణ గారు నిర్మాణ రంగంలో ఆదిశేషగిరి రావు గారు అలాగే ప్రొడక్షన్ లో హనుమంత రావు గారు ఇలా ముగ్గురు అన్నదమ్ములు సినిమా రంగంలో ఉండేవారు. ఇక కృష్ణ గారి కుటుంబంలో గతేడాది వరుసగా ముగ్గురు మరణించారు. రమేష్ బాబు గారు మరణించిన కొద్ది నెలలకు ఇందిర గారు ఆ తరువాత కృష్ణ గారు మరణించారు. అలా వరుస విషాదాల తరువాత మొదటి సారి ఇంటర్వ్యూలో మాట్లాడారు ఆదిశేషగిరి రావు గారు. తన అన్న కొడుకులైన రమేష్, మహేష్ ల గురించి మాట్లాడారు.

మహేష్ చాలా అల్లరి వాడు…

మహేష్ గురించి బయట చాలా తక్కువ తెలుసు కానీ మహేష్ చాలా అల్లరి వాడు అంటూ చెప్పారు. తనకు మంచి మిమిక్రి టాలెంట్ ఉందని చెప్పారు ఆదిశేషగిరి రావు. తాను ఎవరినైనా అనుకరించగలడు అంటూ చెప్పారు. అమితాబ్ బచ్చన్ అంతటి నటుడు మహేష్, చిన్నపుడు బాగా అల్లరి చేసేవాడు అంటూ చెప్పారు.

లైసెన్స్ లేకుండా 14 ఏళ్ల వయసులో తాను కారు నడిపేవాడు. ఒకసారి అలానే కారు ఏసుకుని స్టూడియోకి వచ్చాడు. లైసెన్స్ లేకుండా కారు నడిపాడని పోలీసులు వెనుకే వచ్చారు. స్టూడియోకి వచ్చి నా దగ్గర కూర్చున్నాడు. పోలీసులకు నచ్చజెప్పి పంపాను, అలా అల్లరి చేసేవాడు. మొదటి సినిమా అప్పుడే తాను టాప్ ఆర్టిస్ట్ అవుతాడని అనుకున్నాం అంటూ చెప్పారు.