Producer Ram Sathyanarayana : ట్రోల్స్ తో మంచు ఫ్యామిలీని టార్గెట్ చేసింది… జిన్నా సినిమా మీద ట్రోల్ల్స్ ఎందుకు లేవు : ప్రొడ్యూసర్ రామ్ సత్యనారాయణ

Producer Ram Sathyanarayana : మంచు ఫ్యామిలీ ఏం మాట్లాడినా మీమర్స్ కి పండగ. ఒక చిన్న ప్రెస్ మీట్ అయినా సోషల్ మీడియాలో వైరల్ చేసేస్తారు ట్రోలర్స్, మీమర్స్. కావాలనే మా మీద బురద జల్లుతున్నారంటూ మంచి విష్ణు కూడా ఆరోపణలను చేసారు. ఒక స్టార్ హీరో కావాలనే మమ్మల్ని టార్గెట్ చేసి ట్రోల్స్ చేయిస్తున్నారు అంటూ మీడియా సమక్షంలో చెప్పారు. త్వరలో ఆ హీరో ఎవరో బయటపెడతానని చెప్పి ఆ స్టార్ హీరో ఆఫీస్ నుండే ఈ ట్రోల్స్ లాంటివి వస్తున్నాయంటూ చెప్పారు. ఇక ఈ ఇష్యూ గురించి సీనియర్ ప్రొడ్యూసర్ రామ్ సత్యనారాయణ మాట్లాడారు.

మా అధ్యక్షుడు కాబట్టి ఆయన తెలుసుకోగలరు…

రామ్ సత్యనారాయణ కృష్ణ గారితో మొదలు పెట్టి నేడు ‘ఐస్ క్రీమ్’ ‘పెళ్లి చూపులు’ వంటి సినిమాలకు నిర్మాత్తగా వ్యవహారించారు. ప్రస్తుతం సినిమాలను థియేటర్లలో చూడడానికి ప్రేక్షకులు రాకపోవడం గురించి మాట్లాడుతూ ఈ సోషల్ మీడియాలో రివ్యూల పేరుతో సినిమా విడుదల అవ్వగానే పెట్టే ఒపీనియన్ ను మూడు రోజులు ఆపగలిగితే సినిమా ఫలితం బాగుంటుంది. శుక్రవారం విడుదల అయితే సినిమా సోమవారం వరకూ రివ్యూ లు, రేటింగులు లేకపోతే చాలు సినిమాకు నష్టాలు తగ్గుతాయి.

ఒకవేళ సినిమా బాగోలేక పోతే అపుడు వసూళ్లు రావుకదా, కానీ ఒక సినిమా బాగుండి కావాలని నెగటివ్ ప్రచారం చేయిస్తే అపుడు సినిమాకు నష్టం వస్తుంది. ఈ మధ్య నెగెటివ్ ప్రచారం సినిమాలకే కాదు వ్యక్తులకు కూడా ఎక్కువైంది అంటూ చెప్పారు. మా అధ్యక్షుడు మంచు విష్ణు ఆయన ఫ్యామిలీ మీద జరుగుతున్న ట్రోల్స్ గురించి మాట్లాడుతూ నిజంగానే ఒక స్టార్ హీరో దీన్ని వెనుక ఉన్నా అది ఎన్నో రోజులు దాగదు బయటికి వస్తుంది. ఆయన మా అసోసియేషన్ అధ్యక్షుడు, ఆయనకు అది ఇంకా సులువు ఎవరు చేసారో కనిపెట్టడం, ఇటీవలే ట్రోలర్స్ మీమర్స్ ను పిలిచి మీటింగ్ పెట్టి మరీ మాట్లాడారట. అందుకే ఇక జిన్నా సినిమా విషయంలో కాస్త ట్రోల్స్ తగ్గాయని అనిపిస్తోంది అంటూ అభిప్రాయపడ్డారు.