ఇండస్ట్రీలో చాలామంది నాకు డబ్బు ఎగొట్టారు .. నాకు కోపం వస్తే అదే పని చేస్తా: సురేష్ బాబు

టాలీవుడ్ ఇండస్ట్రీలో విజయం పై పట్టు సాధించే కొంతమంది నిర్మాతలలో దగ్గుబాటి సురేష్ బాబు ఒకరు అని చెప్పవచ్చు. సురేష్ బాబు నిర్మాణంలో ఎలాంటి సినిమాలు తెరకెక్కిన మినిమం లాభాలు పొందే విధంగా మార్కెట్ చేయడం అతని నైజం. ఎక్కువగా సురేష్ బాబు చిన్న సినిమాలపై ప్రయోగాలు చేస్తూ కొత్తవారికి ఇండస్ట్రీలో అవకాశాలను ఇస్తూ, యువతకు ప్రోత్సాహం కల్పిస్తున్నారు.

తాజాగా సురేష్ బాబు నిర్మాణంలో తెరకెక్కిన నారప్ప చిత్రం మంచి విజయాన్ని అందుకున్న సంగతి మనకు తెలిసిందే. ఇటీవల సురేష్ బాబు ఇచ్చిన ఇంటర్వ్యూ లో భాగంగా సురేష్ బాబు సంచలన వ్యాఖ్యలు చేశారు. సాధారణంగా సురేష్ బాబు ప్రతి రూపాయి విషయంలో కూడా ఎంతో కఠినంగా వ్యవహరిస్తానని కామెంట్స్ ఎక్కువగా వినిపిస్తుంటాయి. ఈ క్రమంలోనే ఈ ఇంటర్వ్యూ ద్వారా ఆ విషయంపై స్పందించిన సురేష్ బాబు ఈ విధంగా స్పందించారు.

ఇండస్ట్రీలో నా దగ్గర నుంచి చాలామంది సినిమాలు నిర్మిస్తామని, డిస్ట్రిబ్యూషన్ కోసమని చాలామంది డబ్బులు తీసుకున్నారు. ఆ లిస్టులో ఎంతో మంది ప్రముఖులు కూడా ఉన్నారు. అయితే ఎప్పుడూ కూడా వారిని తన డబ్బు తిరిగి చెల్లించాలని ఇబ్బంది పెట్టలేదని, వారు నష్టాలలో ఉంటే ఆ డబ్బును తిరిగి చెల్లించమని అడగనని ఈ సందర్భంగా తెలిపారు.

నా దగ్గర నుంచి డబ్బులు తీసుకున్నవారిలో ప్రస్తుతం కొందరి దగ్గర మాత్రం డబ్బు ఉన్నా కూడా అప్పు తిరిగి చెల్లించలేదు. ఇలా తీసుకున్న అప్పు తిరిగి ఇవ్వకపోతే నాకు చాలా కోపం వస్తుంది. కోపం వచ్చిందంటే నా దగ్గర డబ్బులు తీసుకున్న వారి లిస్టు మొత్తం బయటపెడతానని ఈ సందర్భంగా నిర్మాత సురేష్ బాబు తెలిపారు.