Pushpa Movie: ఆడిషన్స్ జరిగిన ఆరు నెలలకు పుష్ప సినిమాలో అవకాశం వచ్చింది.. నటి కల్పలత కామెంట్స్ వైరల్?

Pushpa Movie: అల్లు అర్జున్ రష్మిక మందన్న జంటగా క్రియేటివ్ డైరెక్టర్ సుకుమార్ దర్శకత్వంలో పాన్ ఇండియా స్థాయిలో ప్రేక్షకుల ముందుకు వచ్చిన చిత్రం పుష్ప. ఈ సినిమా గత ఏడాది డిసెంబర్ 17వ తేదీ విడుదల అద్భుతమైన విజయాన్ని సొంతం చేసుకుంది. ఇకపోతే ఈ సినిమాకు సీక్వెల్ చిత్రం ప్రేక్షకుల ముందుకు రానుంది. అయితే ఇప్పటికే షూటింగ్ పనులను ప్రారంభం చేయాల్సిన ఈ సినిమా మరికాస్త ఆలస్యం అవుతూ వస్తోంది.

ఇకపోతే ఈ సినిమాలో అల్లు అర్జున్ తల్లి పాత్రలో నటించిన నటి గురించి అందరికీ సుపరిచితమే ఈమె పలు సీరియల్స్ లోనూ అలాగే పలు సినిమాలలో క్యారెక్టర్ ఆర్టిస్ట్ గా నటిస్తూ సందడి చేశారు. ఇలా అల్లు అర్జున్ తల్లి పాత్రలో నటించిన ఈమె పేరు కల్పలత. పలు సినిమాలలో క్యారెక్టర్ ఆర్టిస్ట్ గా నటించిన ఈమె తాజాగా ఇంటర్వ్యూలో పాల్గొని తనకు పుష్ప సినిమాలో నటించే అవకాశం ఎలా వచ్చిందో తెలియజేశారు.

ఈ సందర్భంగా పుష్ప సినిమా కోసం ఆడిషన్స్ జరుగుతున్నాయని తెలిసి తాను కూడా ఆడిషన్స్ లో పాల్గొన్నానని తెలిపారు. ఈ సినిమాలో మొత్తం చిత్తూరు స్లాంగ్ మాట్లాడాలి.తనకు రాకపోయినా ఎంతో కష్టపడి చిత్తూరు యాసలో మాట్లాడానని కల్పలత తెలిపారు. ఇలా ఆడిషన్స్ అయిపోయిన తర్వాత చాలా రోజుల వరకు తనకు ఫోన్ కాల్ రాలేదని వెల్లడించారు.

Pushpa Movie: ఆ కోరిక కూడా తీరింది.

ఇలా ఫోన్ కాల్ రాకపోవడంతో తను కూడా సినిమాపై ఆశలు వదులుకున్నానని అయితే ఆడిషన్స్ జరిగిన ఆరు నెలలకు తనకు ఈ సినిమాలో సెలెక్ట్ అయినట్లు ఫోన్ కాల్ వచ్చిందని,అలా పుష్ప సినిమాలో అల్లు అర్జున్ కు తల్లి పాత్రలో నటించే అవకాశం వచ్చిందని ఈమె తెలిపారు. ఇక కొడుకులు లేని తనకు అల్లు అర్జున్ కొడుకు పాత్రలో నటించడంతో ఆ కోరిక కూడా తీరిపోయిందని ఈ సందర్భంగా కల్పలత పుష్ప సినిమాలో తన పాత్ర గురించి వెల్లడించారు.