R R R : కొమరం భీమ్ గణేశా… వినాయక చవితి పండగకు సిద్ధం…!

R R R : ఈ ఏడాది దర్శకధీరుడు రాజమౌళి తీసిన గొప్ప దృశ్య కావ్యం ఆర్ఆర్ఆర్. ఈ సినిమా సృష్టించిన రికార్డులు అన్ని ఇన్ని కావు. ఇక ఇండియాలోనే కాకుండా ప్రపంచంలో ఎంతో మంది ప్రేక్షకులకు నచ్చింది ఈ సినిమా. హాలీవుడ్ ప్రముఖులు సైతం ఈ సినిమాను, రాజమౌళి దర్శకత్వాన్ని పొగుడుతున్నారు. సినిమాలో రామ్ చరణ్, ఎన్టీఆర్ లు పోషించిన రామ రాజు, కొమరం భీమ్ పాత్రలు అందరినీ బాగా ఆకర్శించాయి. ఇక ఇంటర్వెల్ లో వచ్చే సన్నివేశం అందరినీ కట్టిపడేసింది. భీమ్, పులులు ఇతర జంతువులతో పాటు దూకే సన్నివేశం గూస్ బంప్స్ తెప్పిస్తుంది. ఇక ఆ సన్నివేశంలో ఎన్టీఆర్ ను ఇపుడు గణేష్ విగ్రహం తయారీలో వాడేస్తున్నారు.

కొమరం భీమ్ గణేశా…

శ్రావణ మాసం వచ్చేస్తోంది. అంటే ఇంక పండగల సీజన్ వచ్చేసినట్లే, ఇక మొదట వచ్చే పెద్ద పండగ వినాయక చవితి. అయితే వినాయక చవితి జరుపుకునే విధానం ప్రతి ఏడాది మారిపోతోంది. ఈ మధ్య వినాయక చవితి అంటే డీజే లు, విభిన్నమైన విగ్రహాలు ఎక్కువయ్యాయి. వినాయకుడు కూడా ప్రస్తుత ట్రెండ్ కి అనుగుణంగా మారిపోతున్నాడు భక్తుల వల్ల. ప్రతోడు ఏడాది అప్పుడు జనాలకు బాగా నచ్చిన సినిమాలోని హీరో పాత్రల్తో గణేష్ విగ్రహం తయారుచేస్తుంటారు కళాకారులు.

బాహుబలి సమయంలో ప్రభాస్ శివుడిని మోసినట్లు వినాయకుడు కూడా తన భుజం మీద శివుడిని మోసే విగ్రహాలు వచ్చాయి. ఇక జాతీయనాయకుల రూపంలో ని వినాయకులు ప్రతి ఏడాది కామన్. అలా ఈసారి ఆర్ఆర్ఆర్ మేనియా నడుస్తోంది కాబట్టి ఆ పాత్రల తాలూకు విగ్రహాలు వస్తున్నాయి. జనాలకు బాగా నచ్చినట్టు ఇంటర్వెల్ సన్నివేశంలోని కొమరం బీమ్ పులులతో దిగే చిత్రాన్ని ఇపుడు గణేష్ కి అపాదించి పక్కన పులులు గణేష్ దూకినట్లు విగ్రహాన్ని తయారు చేసారు. అలా ఆర్ఆర్ఆర్ ట్రెండ్ ను గణేష్ విగ్రహాలు తయారు చేసే వాళ్ళు ఫాలో అవుతున్నారు.