Raghu Kunche : రవితేజను ఒక్క ఛాన్స్ ఇవ్వమని చాలా సార్లు అడిగాను…ఇప్పటి వరకు ఇవ్వలేదు… అందరికి మనం నచ్చాలని లేదు కదా…: సింగర్ రఘు కుంచె

Raghu Kunche : యాంకర్ గా, డబ్బింగ్ ఆర్టిస్ట్ గా, సీరియల్ నటుడుగా ఇక సింగర్ గా వెయ్యికి పైగా పాటలు పాడిన సింగర్ రఘు కుంచె. ఈ మధ్య కాలంలో విలన్ పాత్రలను సినిమాల్లో చేస్తూ మెప్పిస్తున్నారు. ఇక రఘు కుంచె మ్యూజిక్ డైరెక్టర్ గా కూడా పలు సినిమాలకు మ్యూజిక్ అందించి మెప్పించారు. ఇక తనతో పాటు సినిమాల్లో అవకాశాల కోసం వచ్చిన వారిలో రవితేజ, పూరీ జగన్నాథ్ వంటి వారు ఉన్నారు. అప్పటి వారి మధ్య జరిగిన జ్ఞాపకాలను పంచుకున్నారు రఘు కుంచె.

రవితేజ ను చాలా సార్లు అడిగినా లాభం లేదు…

రవితేజ ఎంతో కష్టపడి పైకి వచ్చిన నటుడు. అలా స్ట్రగల్ అవుతున్న రోజుల్లోనే రఘు కుంచె కి రవితేజ మంచి మిత్రుడు. అప్పటికే డబ్బింగ్స్ చెబుతూ సాంగ్స్ పడుతూ కొంత పేరు తెచ్చుకున్న రఘు కుంచె రవితేజ హీరో అయ్యాక చాలా సార్లు రవితేజను ఒక్క ఛాన్స్ ఇవ్వమని అడిగాడట. ఇప్పటికి చాలా సార్లు అడిగినా ఎందుకో రవితేజ సినిమాలో అవకాశం రాలేదని చెప్పారు రఘు. ఇక పూరీ జగన్నాథ్ ను అలా అడగలేనని ఇప్పటికీ తాను నాకు ఎంతో చేసాడని ఇంకా అడగటం కరెక్ట్ కాదంటూ రఘు కుంచె తెలిపారు.

తన సినిమాల్లో కొన్నింటికి అవకాశం ఇచ్చాడని తెలిపారు. ఇక చాలా సినిమాల్లో మొదటి సారి నన్ను తీసుకున్నా అవి మ్యూజికల్ గా హిట్ అయిన కూడా మళ్ళీ సినిమాకు నన్ను రిపీట్ చేయరు అది ఎందుకో తెలియదు. అందరికి మనం నచ్చాలని లేదు కదా అని నాకు నేను సర్ది చెప్పుకుంటా అంటూ రఘు కుంచె ఆయన కెరీర్ గురించిన విషయాలను తెలిపారు.