Raja : ఒకే టైటిల్ తో వచ్చిన ఈ ఇద్దరి హీరోల చిత్రాలు.. కానీ బాక్సాఫీస్ వద్ద ఒక్కరే విజేతగా నిలిచారు.!!

ఆంధ్ర సోగ్గాడు శోభన్ బాబు,విక్టరీ వెంకటేష్ ఒకే టైటిల్ తో గల చిత్రాలలో నటించారు.
“రాజా”అనే టైటిల్ తో వచ్చిన ఈ రెండు చిత్రాలు బాక్సాఫీస్ వద్ద ఎలా పరుగులు తీసాయో చూద్దాం.
“రాజా” 1976 లో కె. రాఘవేంద్రరావు దర్శకత్వంలో వచ్చిన చిత్రం. ఇందులో శోభన్ బాబు, జయసుధ ముఖ్య పాత్రలు పోషించారు. ఈ చిత్రాన్ని ఎ.లక్ష్మీ కుమార్ మారుతీ ప్రొడక్షన్స్ పతాకంపై నిర్మించాడు. ఈ చిత్రానికి సలీం-జావెద్ కథ నందించగా సత్యానంద్ మాటలు రాశాడు.వి. ఎస్. ఆర్ స్వామి ఛాయాగ్రహణం, కోటగిరి గోపాలరావు కూర్పు బాధ్యతలు నిర్వహించారు. కె. చక్రవర్తి సంగీతాన్నందించగా ఆచార్య ఆత్రేయ, సి. నారాయణ రెడ్డి, ఆరుద్ర పాటలు రాశారు. పి. సుశీల, ఎస్. పి. బాలసుబ్రహ్మణ్యం, వాణీ జయరాం పాటలు పాడారు.

1999 లో ముప్పలనేని శివ దర్శకత్వంలో సూపర్ గుడ్ ఫిల్మ్స్ పతాకంపై ఆర్.బి.చౌదరి నిర్మించిన విజయవంతమైన సినిమా”రాజా”. ఇందులో వెంకటేష్, సౌందర్య జంటగా నటించారు. ఎస్. ఎ. రాజ్ కుమార్ అందించిన స్వరాలు ప్రజాదరణ పొందాయి. ఈ సినిమా 1998లో తమిళంలో కార్తీక్, రోజా జంటగా వచ్చిన “ఉన్నిడతిల్ ఎన్నై కొడుతేన్” అనే సినిమాకు పునర్నిర్మాణం.
రాజా (వెంకటేష్)బాలు (సుధాకర్) తోడుదొంగలు. చిల్లర దొంగతనాలు చేస్తూ జీవితం గడుపుతుంటారు. ఒకసారి వినాయకుడి విగ్రహాన్ని దొంగిలించడానికి ఒప్పుకుని పోలీసులకు భయపడి ఒక ఇంట్లో దాక్కుంటారు. ఆ ఇంట్లో ఉన్న అంజలి(సౌందర్య) వీళ్ళని అక్కడే కొద్ది రోజులు బంధించి ఇంట్లో పనులు చేయించుకుని తర్వాత దొంగతనాలు మానేసి బుద్ధిగా బతకమని వదిలేస్తుంది. వీళ్ళు వెళ్ళేటపుడు బాలు దొంగతనంగా అంజలి(సౌందర్య) డైరీ తమతో పాటు తీసుకుని వెళతారు. దాని ద్వారా ఆమె గతం గురించి తెలుసుకుంటాడు రాజా. అతని జీవన విధానంలో నెమ్మదిగా మార్పు వస్తుంది.

అంజలి(సౌందర్య) తండ్రి లాయర్ విశ్వనాథం. ఆయన అంజలి తల్లిని రహస్యంగా పెళ్ళి చేసుకుని వదిలేసి ఉంటాడు. తర్వాత భాగ్యలక్ష్మి అనే ఆమెను వివాహం చేసుకుంటాడు. ఈలోపు అంజలి తల్లి మరణిస్తుంది. విశ్వనాథం భార్యకు భయపడి ఈమె బాగోగులు పెద్దగా పట్టించుకోడు. కానీ కొద్ది రోజులకు ఆమె మీద జాలితో స్నేహితుడి కూతురని అబద్ధం చెప్పి తన ఇంట్లోనే ఉంచుకుంటాడు. కానీ ఇంట్లో వాళ్ళంతా ఆమెను పనిమనిషిలా చూస్తుంటారు. ఒకసారి భాగ్యలక్ష్మి తమ్ముడు విదేశాల నుంచి వస్తాడు.అంజలి(సౌందర్య) అంటే అభిమానం చూపిస్తాడు. విశ్వనాథం ఆమెను అతనికిచ్చి వివాహం చేయాలనుకుంటాడు. కానీ అతను ఒప్పుకోడు.ఇదంతా తెలుసుకున్న రాజాకు ఆమె మీద జాలితో పాటు నెమ్మదిగా అభిమానం పెరుగుతుంది. ఆ తర్వాత ఏం జరుగుతుందన్నది మిగతా కథాంశం.

1976లో కె.రాఘవేంద్రరావు దర్శకత్వంలో వచ్చిన శోభన్ బాబు చిత్రం”రాజా” పరాజయం పొందగా.. 1999 ముప్పలనేని శివ దర్శకత్వంలో వచ్చిన వెంకటేష్ చిత్రం”రాజా” బాక్స్ ఆఫీసు వద్ద ఘన విజయం సాధించింది.