“నాన్న నోటిపై అంకుల్ దిండు పెట్టి ఊపిరాడకుండా చేశాడు…” తల్లి చేసిన అరాచకంపై 9 ఏళ్ల బాలుడి సాక్ష్యం !

రాజస్థాన్‌ రాష్ట్రంలోని అల్వార్ జిల్లా ఖేర్లీ ప్రాంతంలో ఒక దారుణమైన హత్య ఘటన వెలుగుచూసింది. భార్య తన ప్రియుడితో కలిసి భర్తను ఊపిరాడకుండా చంపిన ఈ కేసులో, వారి తొమ్మిదేళ్ల కుమారుడు కీలక సాక్ష్యంగా మారాడు. ఈ సంఘటన జూన్ 7న అర్థరాత్రి చోటుచేసుకోగా, కేసును విచారణ చేసిన పోలీసులు కేవలం 48 గంటల్లోనే హత్య వెనుక ఉన్న కుట్రను పూర్తిగా బయటపెట్టారు.

ఇంట్లో అనుమానాస్పద స్థితిలో మృతిచెందిన వీరూ అలియాస్ మాన్‌సింగ్ జాతవ్‌ హత్య కావడంతో పాటు, అది తన భార్య అనిత, ఆమె ప్రియుడు కాశీరాం ప్రజాపత్‌లు చిద్రమైన కుట్రగా మలచుకున్న ఘాతుకమని పోలీసులు నిర్ధారించారు. మొదట్లో అనిత భర్త అనారోగ్యంతో అకస్మాత్తుగా మరణించాడని చెప్పినప్పటికీ, చిన్న కుమారుడు చెప్పిన నిజాలతో మొత్తం కథ మారిపోయింది.

బాలుడు తెలిపిన ప్రకారం హత్య విధానం :

“ఆ రోజు రాత్రి నేను నిద్రలోకి వెళ్లే సమయంలో తలుపు వద్ద చప్పుళ్లు వినిపించాయి. తలుచుకొని చూసినప్పుడు అమ్మ తలుపు తీయడం చూశాను. బయట కాశీ అంకుల్‌తో పాటు మరొక నలుగురు ఉన్నారు. నాకు భయంగా అనిపించింది. మౌనంగా కళ్లను మూసుకున్నట్టుగా చేశాను. వారంతా మా గదిలోకి వచ్చారు. అప్పటికే నాన్న మంచంపై నిద్రపోతున్నారు. అమ్మ మంచం ముందు నిలబడి ఉంది. వాళ్లు నాన్నపై దాడి చేశారు… కాళ్లు బిగించి మెలితిప్పారు… కాశీ అంకుల్ నాన్న నోటిపై దిండు పెట్టి గట్టిగా అదిమాడు. నేను లేచి వెళ్లబోతే నన్ను ఎత్తుకుని బెదిరించాడు. నేను భయంతో మౌనంగా ఉండిపోయాను… కొన్ని నిమిషాల్లో నాన్న చనిపోయారు,” అని బాలుడు పోలీసులకు తెలిపాడు.

పోలీసుల దర్యాప్తులో బయటపడ్డ పక్కా ఆధారాలు:

ఈ హత్య కేసులో అనిత, కాశీరాం మధ్య ఏర్పడిన వివాహేతర సంబంధమే ప్రధాన కారణమని పోలీసులు నిర్ధారించారు. అనిత స్థానికంగా ఒక చిన్న కిరాణా షాప్ నడుపుతుండగా, కాశీరాం అక్కడికి తరచూ వచ్చేవాడు. వారిద్దరి మధ్య సాన్నిహిత్యం క్రమంగా పరస్పర సంబంధంగా మారి, చివరకు భర్తను అడ్డంకిగా భావించి హత్య పథకానికి దారి తీసింది.

హత్య కోసం నలుగురు కిరాయి హంతకులను ఏర్పాటు చేసి వారికి ₹2 లక్షల సుపారీ ఇచ్చినట్టు విచారణలో వెల్లడైంది. మొదట మృతుడి భార్య అనిత, ఆయన మృతదేహాన్ని అనారోగ్యం వల్ల మరణించినట్టుగా చిత్రీకరించినా, వైద్య పరీక్షలో బయటపడిన గాయాలు, పన్ను విరిగి, ఊపిరాడకుండా చేసిన నిదర్శనాలు విచారణను మరింత లోతుగా నెట్టాయి.

సాంకేతిక ఆధారాలతో కేసు ఛేదన:

మృతుడి సోదరుడు గబ్బర్ జాతవ్ ఇచ్చిన ఫిర్యాదు ఆధారంగా పోలీసులు కేసు నమోదు చేసి దర్యాప్తు ప్రారంభించారు. సీసీటీవీ ఫుటేజ్‌లు, కాల్‌ డేటా రికార్డులు, టెక్నికల్ విశ్లేషణలతో కేసును పురోగతిలోకి తెచ్చారు. ఇప్పటివరకు అనిత, కాశీరాం ప్రజాపత్, హంతకులలో ఒకడైన బ్రిజేష్ జాతవ్‌ను అరెస్ట్ చేశారు. మిగతా ముగ్గురు నిందితులు పరారీలో ఉండగా, వారి కోసం పోలీసులు గాలింపు చర్యలు ముమ్మరం చేశారు.

అమాయక చిన్నారి ధైర్యంతో బయటపడిన ఘాతుకం

తన కన్నెదుట జరిగిన నాన్న హత్యను ఆ బాలుడు భయంతో గుండెల్లో దాచుకున్నా, చివరకు ధైర్యంగా బయటపెట్టిన నిజం పోలీసుల దృష్టిని మళ్లించింది. 9 ఏళ్ల వయస్సులోని చిన్నారి ఇచ్చిన వాక్యాలతో ఆ కుటుంబాన్ని చీల్చిన మానవ మృగాల ఆటవిక తత్వం బయటపడింది.