Rakesh Master: సినిమా ఇండస్ట్రీలో డాన్స్ మాస్టర్ గా మొదలయి దాదాపు 1500 సినిమాలకు డాన్స్ కంపోజ్ చేసిన రాకేష్ మాస్టర్ అసలు పేరు రామారావు. ప్రస్తుతం టాప్ డాన్స్ మాస్టర్లు గా ఉన్న శేఖర్ మాస్టర్, జానీ మాస్టర్లు ఈయనకు శిష్యులు. చిరునవ్వుతో, లాహిరి లాహిరి లాహిరిలో, దేవదాసు, సీతయ్య వంటి సినిమాలకు కోరియోగ్రఫీ చేసిన రాకేష్ మాస్టర్ ఢీ షో ద్వారా మరింత క్రజీ తెచ్చుకున్నాడు. బషీర్ అనే కంటెస్టెంట్ కి ఢీ షో డాన్స్ మాస్టర్ గా ఉండేవాడు. ప్రస్తుతం యూట్యూబ్ ఛానెల్ వీడియోల ద్వారా ఫేమస్ అయ్యాడు. ఇక జబర్దస్త్ లో అడపాదడపా కనిపించేవాడు. అయితే తాజాగా వైజాగ్ నుండి షూటింగ్ కోసం వెళ్లి హైదరాబాద్ తిరిగిగివచ్చిన రాకేష్ మాస్టర్ అనారోగ్యంతో గాంధీ హాస్పిటల్ లో చికిత్స తీసుకుంటూ ఆదివారం నాడు కన్నుమూశారు.
సినీ సెలబ్రిటీ నుండి యూ ట్యూబ్ స్టార్ వరకు…
స్టార్ హీరోలకు కోరియోగ్రఫీ చేసిన రాకేష్ మాస్టర్ 2000సంవత్సరం సమయంలోనే 40 వేల రెంటు కడుతూ నాలుగు కార్లను మెయింటైన్ చేసాడు. అలాంటి స్టార్ డమ్ చూసిన రాకేష్ మాస్టర్ నేడు రెండు వేల రూపాయల రెంటు కట్టిన అద్దె ఇంట్లో ఉంటూ టిక్ టాక్ చేసుకునే వాళ్ళతో వీడియోలు చేసుకుంటూ తాగుడుకు బానిసగా మారి చివరికి ప్రాణం విడిచాడు. టాలెంట్ మాత్రమే మనల్ని నిలబెట్టదు. ఆ టాలెంట్ తో పాటు క్రమశిక్షణ, వినమ్రత ఉండాలి. రాకేష్ మాస్టర్ తన నోటి వల్లే ఎన్నో సమస్యలను తెచ్చుకున్నారు. తన ఇద్దరు భార్యలు పిల్లలు దూరం అవడానికి కారణం ఆయన నోరే. అందరూ ఉన్నా చివరి రోజుల్లో ఒంటరిగా అనాధాశ్రమంలో ఉంటూ కాలం వెళ్ళదీశారు. చేతనైన సాయం చేసి ఎంతో మందికి అన్నం పెట్టిన రాకేష్ మాస్టర్ చివరి రోజుల్లో అనాధగా మారడానికి కారణం ఆయన ఎంచుకున్న దారే. సినిమాల్లో ఒక స్టార్ డమ్ చూసిన ఆయన అదే ఇండస్ట్రీ మీద రాళ్ళు వేశారు. యూట్యూబర్ లో ఇంటర్వ్యూలలో నోటికి వచ్చినట్లు ఎంతో మంది ఇండస్ట్రీకి సంబంధించిన వారిని విమర్శించారు.
ఒకప్పుడు ఎంతో గొప్పగా కనిపించిన ఆయన నేటి ఆయన ప్రవర్తన, తాగి ఇంటర్వ్యూల్లో పాల్గొనడం చూసి ఏంటి ఈ రాకేష్ మాస్టర్ అనేలా చేసుకున్నాడు. జీవితంలో ఉన్నత స్థానానికి ఎదగడానికి ఎంతో కష్టపడాలి అదే దిగజారడానికి ఎన్నో మెట్లు ఉన్నాయి. అలానే రాకేష్ మాస్టర్ డాన్స్ సొంతంగా నేర్చుకుని ఎంతో ఎత్తు ఎదిగినా తన ప్రవర్తన మధ్యానికి బానిస అవడం వల్ల దిగజారిపోయాడు. నేషనల్ ఛానెల్స్ లో ఆయన మరణ వార్త రావల్సిన రాకేష్ మాస్టర్ సిటీ ఛానెల్, యూట్యూబ్ కే పరిమితమవడానికి కారణం ఆయన ప్రవర్తన ఆయన ఎంచుకున్న మనుషులే అని చెప్పొచ్చు. ఆయన జీవితం నేటి యువతకు ఖచ్చితంగా గుణపాఠమే.
ఇంద్రకీలాద్రిపై వెలసిన శ్రీ దుర్గా మల్లేశ్వర స్వామి ఆలయంలో జగద్గురు ఆదిశంకరుల జయంతి ఉత్సవాలు మంగళవారం వైభవంగా నిర్వహించబడ్డాయి. వైశాఖ…
ప్రస్తుత జీవనశైలిలో ఆరోగ్య సమస్యలు పెరుగుతున్న నేపథ్యంలో సహజ పదార్థాలపై మళ్లీ దృష్టి పెడుతున్నారు చాలా మంది. మన వంటింట్లో…
ఇతిహాసాలలో ధర్మం, మానవత్వం గురించి చెప్పే గొప్ప ఉదాహరణల్లో ఒకటి రామాయణ యుద్ధం చివర్లో జరిగిన సంఘటనగా పండితులు పేర్కొంటారు.…
ఆంధ్రప్రదేశ్లోని పుణ్యక్షేత్రాల్లో ఒక ప్రత్యేక స్థానం సంపాదించుకున్న కుండలేశ్వర స్వామి క్షేత్రం భక్తుల విశ్వాసానికి కేంద్రంగా నిలుస్తోంది. పవిత్ర గోదావరి…
సినిమా ఇండస్ట్రీలో ప్రేమలు, పెళ్లిళ్లు, విడాకులు కొత్త విషయం కాదు. అయితే కొంతమంది సెలబ్రిటీల వ్యక్తిగత జీవితం మాత్రం ఎప్పటికప్పుడు…
ఆయుర్వేద ఔషధాల్లో ప్రముఖ స్థానం ఉన్న అశ్వగంధపై కేంద్ర సంస్థలు కీలక నిర్ణయం తీసుకోవడం ఆరోగ్య రంగంలో చర్చనీయాంశంగా మారింది.…