ఆ బిగ్ బాస్ కంటెస్టెంట్ ను ఆడిషన్స్ లో రిజెక్ట్ చేసిన రామ్ గోపాల్ వర్మ..!

రామ్ గోపాల్ వర్మ దర్శకత్వం వహించిన ఒక హర్రర్ సినిమాల్లో నటించాలని ఆశతో ఆడిషన్స్ కి వెళ్ళిన బిగ్ బాస్ సీజన్ ఫోర్ కంటెస్టెంట్ కి రామ్ గోపాల్ వర్మ నుంచి చేదు అనుభవం ఎదురైంది. ర్యాన్‌ ఆడిషన్స్ లో రాంగోపాల్ వర్మ తనని రిజెక్ట్ చేశారని బిగ్ బాస్ కంటెస్టెంట్స్ సయ్యద్ సొహేల్ ఈ విషయాన్ని స్వయంగా ఓ కార్యక్రమంలో తెలియజేశారు . తాజాగా సోహైల్ రాంగోపాల్ వర్మ “డియర్ మేఘ” ఫ్రీ రిలీజ్ ఫంక్షన్ లో పాల్గొన్న సంగతి తెలిసిందే.

అర్జున్ దాస్యం నిర్మాణ సారథ్యంలో సుశాంత్ రెడ్డి దర్శకత్వంలో అదిత్ అరుణ్‌, మేఘా ఆకాశ్ జంటగా నటించినటువంటి చిత్రం డియర్ మేఘ. ఈ చిత్రం సెప్టెంబర్ 3వ తేదీన విడుదల కానుంది. ఈ క్రమంలోనే ఈ సినిమా ప్రీ రిలీజ్ ఈవెంట్ లో పాల్గొన్న సోహైల్ఈ సందర్భంగా మాట్లాడుతూ తను రామ్ గోపాల్ వర్మను రెండోసారి కలిశానని అయితే మొదటి సారి కలిసినప్పుడు తన హారర్ సినిమా ఆడిషన్స్ లో భాగంగా వెళితే నన్ను రిజెక్ట్ చేశారని, అప్పటికి నేను ఇంకా చాలా చిన్నవాడిని అనే విషయాన్ని ఈ సందర్భంగా తెలియజేశారు.

రాంగోపాల్ వర్మ గురించి సోహైల్ ఈ విధంగా మాట్లాడటంతో స్టేజ్ ముందు కూర్చున్న రామ్ గోపాల్ వర్మ ఏదో మాట్లాడాలని పోతే.. అందుకు సోహైల్ “ఇప్పుడు ఇంక మాట్లాడకండి సార్..పంచ్‌.. బయమైతంది”. అంటూ సోహెల్ మాట్లాడారు. సోహైల్ తనను రామ్ గోపాల్ వర్మ హర్రర్ మూవీ ఆడిషన్స్ లో రిజెక్ట్ చేశారని చెప్పారు కానీ ఏ హర్రర్ మూవీ అనే విషయం మాత్రం వెల్లడించలేదు.

అయితే అంత చిన్న వయసులో రామ్ గోపాల్ వర్మ కి సోహైల్ అంటే ఎవరో తెలియదు కనుక ఆ ఆఫర్ వచ్చిండదని భావించవచ్చు. ఇక బిగ్ బాస్ సీజన్ ఫోర్ ద్వారా మంచి గుర్తింపును సంపాదించుకున్న సోహైల్ ప్రస్తుతం సినిమా అవకాశాలను దక్కించుకుంటూ ఎంతో బిజీగా ఉన్నారు.