Ramcharan -Upasana: రామ్ చరణ్ కుమార్తె క్లిన్ కారా పేరుకు అర్థం ఏంటో తెలుసా?

Ramcharan -Upasana: మెగా పవర్ స్టార్ రామ్ చరణ్ ఉపాసన కుమార్తెకు ఘనంగా బారసాల వేడుకను నిర్వహించిన విషయం మనకు తెలిసిందే. ఈ బారసాల వేడుకకు సంబంధించిన ఫోటోలను ఉపాసన సోషల్ మీడియా వేదికగా షేర్ చేయడంతో ఈ ఫోటోలు పెద్ద ఎత్తున సోషల్ మీడియాలో వైరల్ అవుతున్నాయి. ఉపాసన దంపతులు తమ చిన్నారికి క్లిన్ కారా అనే నామకరణం చేశామని ప్రకటించారు.

ఇలా తమ కుమార్తె పేరును రివీల్ చేయడంతో పేరు చాలా విభిన్నంగా ఉందని అందరూ భావించడమే కాకుండా అసలు ఈ పేరుకు అర్థం ఏంటి అని కూడా ఆరా తీస్తున్నారు. అయితే ఈ పేరును లలితా సహస్రనామాల నుంచి ఎంపిక చేసామని ఉపాసన తెలియజేశారు. మరి తమ చిన్నారికి పెట్టిన క్లిన్ కారా పేరుకు అర్థం ఏంటి అనే విషయానికి వస్తే..

ఉపాసన తన కుమార్తెకు పెట్టిన క్లిన్ కారా అనే పదం ప్రకృతి స్వరూపాన్ని, మాత శక్తిలో నిక్షిప్తమైన అనుగ్రహాన్ని చూచిస్తుంది.ఆ పేరుకు ఎంతో శక్తివంతమైన వైబ్రేషన్ ఉంది అంటూ స్వయంగా ఈ పేరుకు అర్ధాన్ని మెగాస్టార్ చిరంజీవి తెలియజేశారు. ఇక చిన్నారి ఎదుగుతున్న కొద్ది ఈ లక్షణాలన్నింటినీ తనలో పెంపొందించుకుంటుంది అంటూ ఈ సందర్భంగా చిన్నారి పేరుకు అర్థాన్ని తెలియజేశారు.

Ramcharan -Upasana KKK గా ట్రెండ్ చేస్తున్న ఫ్యాన్స్…

రామ్ చరణ్ ఉపాసన దంపతులకు జన్మించిన ఈ చిన్నారికి క్లిన్ కారా కొణిదెల అనే పేరు పెట్టడంతో ఈ పేరును KKK గా సోషల్ మీడియాలో ట్రెండ్ చేస్తున్నారు.ఇలా పాప పేరు ఎంతో అర్థవంతంగా ఉంది అంటూ కొందరు కామెంట్లు చేయగా మరికొందరు చిన్నారి పేరుతో పాటు తన ఫేస్ కూడా రివీల్ చేసి ఉంటే బాగుండేది అని భావిస్తున్నారు.