Ramgopal Varma: సినీ దర్శకుడు రామ్ గోపాల్ వర్మ ఏదో ఒక విషయం ద్వారా తరచూ వార్తలో నిలుస్తూ ఉంటారు. అయితే తాజాగా ఈయన ఆచార్య నాగార్జున యూనివర్సిటీలో జరిగినటువంటి కార్యక్రమానికి ముఖ్యఅతిథిగా వెళ్లిన విషయం తెలిసిందే. అయితే ఈ కార్యక్రమంలో భాగంగా రాంగోపాల్ వర్మ విద్యార్థులను ఉద్దేశిస్తూ చేసినటువంటి వ్యాఖ్యలు తీవ్రదుమారం రేపుతున్నాయి.
ఈ కార్యక్రమంలో భాగంగా ఈయన మహిళలను కించపరుస్తూ మాట్లాడటంతో పలువురు మహిళా సంఘాల నేతలు వర్మ వ్యాఖ్యలపై మండిపడ్డారు. ఈ క్రమంలోనే తెలంగాణ పిసిసి మాజీ అధ్యక్షుడు వి హనుమంతరావు ఈ ఘటనపై స్పందిస్తూ చేసినటువంటి వ్యాఖ్యలు వైరల్ అవుతున్నాయి. ఈ క్రమంలోనే ఈయన మాట్లాడుతూ.. రామ్ గోపాల్ వర్మ మహిళలను ఉద్దేశించి మాట్లాడిన మాటలు సరైనవి కాదని తెలిపారు.
ఇప్పటివరకు ఈ విషయంపై పరిశ్రమకు చెందిన ఏ ఒక్కరు కూడా స్పందించలేదు. ఇలానే వదిలేస్తే మహిళలను అవమానించడం ఆనవాయితీగా మారుతుంది. వర్మకు దమ్ముంటే ఉస్మానియా యూనివర్సిటీ కాకతీయ యూనివర్సిటీకి వచ్చి ఇలాంటి మాటలు మాట్లాడమనండి అంటూ సవాల్ చేశారు. ఇలా వర్మ చేసిన ఈ వ్యాఖ్యలను పరిగణలోకి తీసుకొని వర్మపై కఠిన చర్యలు తీసుకోవాలని ఏపీ ముఖ్యమంత్రి జగన్మోహన్ రెడ్డికి ఈయన లేక రాశారు.
Ramgopal Varma: మీలాంటి వారి వళ్లే కాంగ్రెస్ కు ఆ పరిస్థితి…
ఇక వి హనుమంతరావు వర్మపై ఈ విధమైనటువంటి వ్యాఖ్యలు చేయడంతో వర్మ సోషల్ మీడియా వేదికగా స్పందించారు. ఈ క్రమంలోనే వర్మ ఈ విషయంపై స్పందిస్తూ.. ఓ తాతగారు మీరు ఇంకా ఉన్నారా?NASA యాక్ట్ వర్తించదు,TADA యాక్ట్ 1995 లోనే తీసేశారు ఇది కూడా తెలియని మీలాంటి లీడర్స్ మూలంగానే కాంగ్రెస్ కి ఆగతి..ఒకసారి డాక్టర్ కి చూపించు కొండి అంటూ వర్మ కామెంట్ చేశారు. అయితే ఈ కామెంట్ పై పలువురు స్పందిస్తూ తమదైన శైలిలో కామెంట్లు చేస్తున్నారు.