Chiranjeevi -Raviteja: మెగాస్టార్ వాల్తేరు వీరయ్య నుంచి తప్పుకున్న రవితేజ… కారణం అదేనా?

Chiranjeevi -Raviteja: ప్రస్తుతం మల్టీ స్టార్ సినిమాలు ట్రెండ్ అవుతున్నాయి.ఇలా ఇద్దరు అభిమాన హీరోలను ఒకే తెరపై చూడటానికి అభిమానులు సైతం ఇష్టపడుతున్నారు. ఇలా మల్టీస్టారర్ చిత్రాలు పెద్ద ఎత్తున ప్రేక్షకులను సందడి చేయడంతో దర్శక నిర్మాతలు సైతం మల్టీస్టారర్ చిత్రాలు చేయడానికి ఆసక్తి కనబరుస్తున్నారు. ఇప్పటికే ఎన్నో మల్టీ స్టార్ సినిమాలు ప్రేక్షకుల ముందుకు వచ్చాయి.ఇకపోతే మెగాస్టార్ చిరంజీవి తన 154వ చిత్రంగా బాబి దర్శకత్వంలో చేస్తున్న సంగతి మనకు తెలిసిందే.

ఇప్పటికే ఈ సినిమాకి సంబంధించిన అధికారిక ప్రకటన కూడా చేశారు. త్వరలోనే ఈ సినిమా టైటిల్ కి సంబంధించిన ప్రకటన వెలువలనుంది. ఇదిలా ఉండగా ఈ సినిమాలో మరొక హీరో పాత్ర ఉండబోతుందని ఆ పాత్రలో మాస్ మహారాజ రవితేజ నటిస్తున్నారని వార్తలు వచ్చాయి.గతంలో వీరిద్దరి కాంబినేషన్లో వచ్చిన అన్నయ్య సినిమా సూపర్ హిట్ కావడమే కాకుండా రవితేజ మెగాస్టార్ అభిమాని కావడంతో చిరంజీవితో కలిసి నటించే అవకాశం రాగానే ఎంతో సంతోష పడుతూ ఈ సినిమాలో నటించడానికి గ్రీన్ సిగ్నల్ ఇచ్చారట.

అయితే తాజాగా వస్తున్న వార్తల ప్రకారం మెగాస్టార్ సినిమా నుంచి రవితేజ పక్కకు తప్పుకున్నట్లు తెలుస్తోంది. ఈ విధంగా మెగాస్టార్ సినిమా నుంచి రవితేజ తప్పుకోవడానికి ఓ కారణం ఉంది.మెగాస్టార్ నటిస్తున్న వాల్తేరు వీరయ్య సినిమా అనుకున్న సమయానికి షూటింగ్ పనులు జరిగి ఉంటే రవితేజ ఈ సినిమాలో తప్పకుండా నటించేవారు. అయితే మెగాస్టార్ చిరంజీవి ప్రస్తుతం గాడ్ ఫాదర్, భోళా శంకర్ వంటి సినిమాలలో నటించడం వల్ల ఈ సినిమా షూటింగ్ కాస్త ఆలస్యం అవుతుంది.

డేట్స్ కుదరని పక్షంలో చిరు సినిమా నుంచి తప్పుకున్నా రవితేజ..

ఈ విధంగా మెగాస్టార్ వాల్తేరు వీరయ్య సినిమా షూటింగ్ ఆలస్యం కావడంతో మరోవైపు రవితేజ కూడా వరుస సినిమాలకు కమిట్ అవ్వడం వల్ల డేట్స్ అడ్జస్ట్ కాలేకపోతున్నాయి.ఇలా డేట్స్ కుదరని పక్షంలో రవితేజ ఈ సినిమా నుంచి తప్పుకున్నారని ఆ పాత్రలో బాబి మరొక హీరో కోసం వేట మొదలు పెట్టారని తెలుస్తోంది.మరి వీరి గురించి వస్తున్న ఈ వార్తలలో ఎలాంటి నిజం ఉందో తెలియాలంటే మేకర్స్ అఫీషియల్ అనౌన్స్మెంట్ చేయాల్సి ఉంది.