Priya Anand : ఎంతో మంది ఆరాధకులు ఉన్న నిత్యానంద స్వామిని పెళ్లి చేసుకోవాలని ఉంది : ప్రియా ఆనంద్

Priya Anand : లీడర్ సినిమా ద్వారా తెలుగులో పరిచయమైన ప్రియా ఆనంద్, ఆ తరువాత రామ రామ కృష్ణ కృష్ణ, వంటి సినిమాల్లో నటించిన ప్రియా ఆనంద్ అమెరికాలో పెరిగిన అమ్మాయి. తమిళ సినిమా తో ఎంట్రీ ఇచ్చిన ప్రియ హిందీలోనూ ఇంగ్లీష్ వింగ్లీష్ వంటి సినిమాల్లోను నటించింది. కన్నడలో పునీత్ రాజ్ కుమార్ సరసన నటించిన ఈ అమ్మడు తెలుగు, తమిళం హిందీ, కన్నడ, మలయాళం భాషలలో నటించింది.

నిత్యానంద స్వామిని పెళ్లి చేసుకోవాలనుంది…

ఈ మధ్య కాలంలో తెలుగు సినిమాల్లో కనిపించడం లేదు ప్రియా ఆనంద్. అయితే చాలా రోజుల తరువాత మా నీళ్ల ట్యాంక్ అనే వెబ్ సిరీస్ ద్వారా రాబోతోంది. సుశాంత్ తో కలిసి నటించిన ఈ వెబ్ సిరీస్ త్వరలో ప్రేక్షకుల ముంధుకు రాబోతోంది. ప్రియా ఆనంద్, సుశాంత్ పలు ప్రచార కార్యక్రమాల్లో పాల్గొంటున్నారు. ఇంటర్వ్యూ ల్లో పాల్గొంటున్న ప్రియా తన పెళ్ళి గురించి ఆసక్తికర వాఖ్యలు చేసింది. ఎన్నో వేల మంది భక్తులు ఉన్న నిత్యానంద స్వామిని పెళ్లి చేసుకోవాలని ఉందంటూ చెప్పి అందరికీ షాక్ ఇచ్చింది.

నిత్యానంద.. ఈ పేరు ఒకప్పుడు బాగా ఫేమస్, తనను తాను దేవుడు అని చెప్పుకుని తన మాటలతో ఎంతో మందిని తన భక్తులుగా చేసుకున్న నిత్యానంద ఆ తరువాత హీరోయిన్ రంజిత తో చేసిన రాసలీల వీడియో బయటికి రావడంతో, ఇక అమ్మాయిల అక్రమ నిర్భంధం వంటి కేసులతో దేశాన్ని విడిచి వెళ్ళిపోయాడు. ఈక్వెడార్ దగ్గర్లో ఒక దీవిని కొని దానికి కైలాస దేశం అని పేరు పెట్టి సొంత కరెన్సీ కూడా పెట్టుకున్న నిత్యానంద అక్కడికి వెళితే నేరుగా కైలాసం చూపిస్తానని చెబుతున్నారు. అయితే ప్రస్తుతం వింత రోగంతో బాధపడుతూ నిత్యానంద బ్రతికున్నాడో, చనిపోయాడో ఎవరికీ తెలియదు. ఇక అలాంటి నిత్యానందను పెళ్లి చేసుకోవాలని ఉంది అంటూ సరదాగా అని మళ్ళీ అందరూ మర్చిపోయిన నిత్యానందను గుర్తుచేసింది. ఇంతకీ నిత్యానందను ఎందుకు పెళ్లి చేసుకోవాలని ప్రియా అనుకుందంటే నిత్యానందను పెళ్లి చేసుకుంటే తన పేరు మార్చొకోవాల్సిన పని ఉండదు అంటూ ఫన్నీగా చెప్పింది ప్రియా.