RK Roja: జబర్దస్త్ ద్వారా లక్షలు సంపాదించా… కావాలంటే నా ఐటీ రిటన్స్ చెక్ చేసుకోండి.. సంచలన వ్యాఖ్యలు చేసిన రోజా..!

RK Roja: వెండితెరపై నటిగా పలు సినిమాలలో నటిస్తూ ఎంతో మంచి గుర్తింపు సంపాదించుకున్న సీనియర్ నటి రోజా ఇండస్ట్రీకి దూరమైన తర్వాత ఈమె బుల్లితెర కార్యక్రమాల ద్వారా ప్రేక్షకులను సందడి చేశారు.ఇలా బుల్లితెర కార్యక్రమాలతో ప్రేక్షకులను ఎంతో ఎంటర్టైన్ చేస్తున్న ఈమె మరోవైపు రాజకీయాలలో కూడా కొనసాగుతున్నారు.ఇప్పటికే రెండుసార్లు ఎమ్మెల్యేగా నగరి నియోజక వర్గం నుంచి గెలుపొందిన రోజా ప్రస్తుతం ఆంధ్ర ప్రదేశ్ పర్యటక శాఖ మంత్రిగా బాధ్యతలు తీసుకున్నారు.

ఈ క్రమంలోనే మంత్రిగా బాధ్యతలు తీసుకున్న తర్వాత ప్రోటోకాల్ ఫాలో అవుతూ తాను జబర్దస్త్ కార్యక్రమానికి దూరమయ్యారు.ఎమ్మెల్యేగా కొనసాగుతున్న సమయంలో ఈమె దాదాపు పది సంవత్సరాల నుంచి జబర్దస్త్ కార్యక్రమానికి న్యాయ నిర్ణేతగా వ్యవహరిస్తున్నారు.అయితే ప్రస్తుతం జబర్దస్త్ కార్యక్రమానికి దూరమైన ఈమె మంత్రిగా బాధ్యతలు చేపడుతున్నారు. ఇక తాజాగా రోజా కోట్లు విలువచేసే ఖరీదైన కారును కొనుగోలు చేశారు.

ఇలా ఈమె ఖరీదైన కారు కొనుగోలు చేయడంతో ప్రతిపక్ష నేతలు రోజాపై పెద్ద ఎత్తున విమర్శలు చేశారు. రోజా అక్రమంగా సంపాదిస్తూ ఇలాంటి ఖరీదైన వస్తువులను కొనుగోలు చేసింది అంటూ బురద చల్లే ప్రయత్నం చేశారు. ఈమె గురించి ఇలా ప్రతిపక్ష నేతలు మాట్లాడటంతో రోజా స్పందించి ఘాటుగా సమాధానం చెప్పారు.

RK Roja: ప్రతిపక్షాలకు ఘాటుగా జవాబిచ్చిన మంత్రి…

తాను 150 సినిమాలకు పైగా నటించాను. అలాగే పది సంవత్సరాల నుంచి జబర్దస్త్ కార్యక్రమంలో జడ్జిగా కొనసాగుతున్నాను జబర్దస్త్ కార్యక్రమం ద్వారా లక్షల్లో రెమ్యూనరేషన్ తీసుకున్నానని తెలిపారు.అంతగా అనుమానం ఉంటే నేను కట్టే ఇన్కమ్ టాక్స్ ఇన్ఫర్మేషన్ కూడా చెక్ చేసుకోమని ప్రతిపక్షాలకు సవాల్ విసిరారు. మొత్తానికి రోజా గురించి వస్తున్న విమర్శలకు ఘాటుగా స్పందించి చెక్ పెట్టారు.