రోజా పడిన బాధలు మాటల్లో చెప్పలేనిది.. రెండో సంతానానికి ఆమె ఎన్ని కష్టాలు పడ్డారో తెలుసా?

సినీ నటి రోజా అటు రాజకీయాల్లోనూ.. ఇటు సినీ పరిశ్రమలోనూ తనకంటూ మంచి గుర్తింపును తెచ్చుకున్నారు. రాజకీయాల్లోకి వచ్చిన తర్వాత ఎమ్మెల్యేగా రెండు సార్లు గెలుపొంది తన సత్తా ఏంటో చూపించారు. తర్వాత సినిమాలకు దూరం అయి.. ప్రస్తుతం జబర్దస్త్ కామెడీ షోలో న్యాయ నిర్ణేతగా వ్యవహరిస్తున్నారు. ఇదంతా బాగానే ఉన్నా.. ఒకప్పుడు ఆమె వ్యక్తిగత జీవితం తీవ్ర దుర్భరంగా ఉందంటూ ఓ టీవీ ప్రోగ్రాంలో చెప్పుకొచ్చింది.

సెల్వమణితో వివాహానికి ముందు ఆమెకు పిల్లలు పుట్టరని డాక్టర్లు చెప్పారట.. కానీ పెళ్లైన సంవత్సరం లోపే ఆమెకు అన్షు పుట్టింది. అయితే రెండో సంతానంకు ఆమె ఎన్నో బాధలు పడినట్లు చెప్పారు. ఆమె గర్భం దాల్చిన ఐదు నెలలకు తీవ్ర రక్త స్రావం అయిందట. దీంతో ఎంతో భయపడిపోయి వైద్యులను సంప్రదించారు రోజా.

అప్పటికే ఒక సంతానం ఉన్న ఆమెకు ఇది రెండో సంతానం. రక్త స్రావం ఎక్కవ అవుతుండటంతో ఆమెకు అబార్షన్ చేయాలని చెప్పారట వైద్యులు. కానీ ఆమె దానికి అంగీకరించలేదు. చివరకు డాక్టర్లు ఒక పరిష్కారం చెప్పారు. ప్రస్తుతం ఐదోనెల కాబట్టి.. ఆబిడ్డ బతకాలంటే ఏడు నెలలు వస్తే సరిపోతుంది. కావునా ఇప్పటి నుంచి రెండు నెలల అంటే.. ఏడో నెల వచ్చే వరకు కాళ్లు పైకి పెట్టి తగిన జాగ్రత్తలు తీసుకుంటే.. బిడ్డ బతికే అవకాశం ఉంటుందని వైద్యులు చెప్పారట.

దానికి రోజా ఒప్పుకొని.. దాదాపు రెండు నెలలు ఆసుపత్రిలోనే ఉంటూ ఆమె వైద్యుల సలహా మేరకు పాటించిందట. తర్వాత ఆమెకు కొడుకు(కృష్ణ లోహిత్) పుట్టడాని చెప్పుకొచ్చారు. ఇలా ఆమె రెండో సంతానం కోసం ఎన్నో బాధలు అనుభవించినట్లు చెప్పుకొచ్చారు.