Minister Roja : మంత్రి హోదాలో మొదటిసారి మెగాస్టార్ ఇంటికి రోజా… సాదరంగా ఆహ్వానించి సన్మానం….

Roja went to MegaStar house first time as a minister : సర్పయాగం సినిమా ద్వారా మొదటి సారి వెండి తెరపై కనిపించింది రోజా. సీతారత్నం గారి అబ్బాయి సినిమా తన సినిమా కెరీర్ లో ఒక టర్నింగ్ పాయింట్ గా చెప్పుకోవచ్చు. ఆ తరువాత వెనక్కి తిరిగి చూసుకునే పని లేకుండా తెలుగు చలన చిత్ర పరిశ్రమలో టాప్ హీరోలతో నటిస్తూ స్టార్ ఇమేజ్ ను ఎంజాయ్ చేసింది. తర్వాత సినిమా అవకాశాలు సన్నగిలుతున్న సమయంలో తమిళ దర్శకుడు సెల్వ మణి ని ప్రేమ వివాహం చేసుకుంది. 1999వ సంవత్సరంలో రాజకీయ ప్రవేశం చేసిన రోజా ఫైర్ బ్రాండ్ గా గుర్తింపు తెచ్చుకుని.

పదేళ్లపాటు తెలుగు మహిళ అధ్యక్షురాలిగా సేవలు అందించి తర్వాత 2014లో వైసిపి తరపున ఎమ్మెల్యేగా ఎన్నికయ్యారు. 2019లో కూడా ఎమ్మెల్యేగా పోటీ చేసి విజయం సాధించారు. అయితే రెండు సార్లు ఎమ్మెల్యే అయినా కూడా మంత్రిగా బాధ్యతలు చేపట్ట లేదు. అయితే తాజాగా రెండో విడత క్యాబినెట్ విస్తరణ కారణంగా ఆమె ను మంత్రి పదవి వరించింది.ఏపీ టూరిజం శాఖ మంత్రిగా బాధ్యతలు రోజా బాధ్యతలు తీసుకున్నారు. అయితే మంత్రి పదవి బాధ్యతలు చేపట్టిన తర్వాత సినిమాలకు టీవీ షో లకు గుడ్ బై చెప్పేసి తన విలువైన సమయాన్ని తన బాధ్యతలు నిర్వహించడానికి కేటాయించారు. అయితే బాధ్యతలు చేపట్టిన తర్వాత బిజీగా ఉన్న రోజా గారు ప్రస్తుతం కుటుంబ సమేతంగా హైదరాబాద్ కు విచ్చేసారు.

మంత్రి అయ్యాక మొదటిసారి చిరంజీవి ఇంటికి…..

కుటుంబ సమేతంగా హైదరాబాద్ విచ్చేసిన రోజా మంత్రి బాధ్యతలు చేపట్టిన సందర్భంగా మర్యాదపూర్వకంగా తెలంగాణ ముఖ్యమంత్రి కేసీఆర్ గారి ఇంటికి, మెగాస్టార్ చిరంజీవి వాళ్ళ ఇంటికి కుటుంబ సమేతంగా వెళ్లారు. మెగాస్టార్ ఇంటికి కుటుంబ సమేతంగా వెళ్ళిన రోజాను ఆయన సతీమణి సురేఖ సాదరంగా ఆహ్వానించారు. ఆచార్య సినిమా విడుదల అయినందుకు చిరంజీవికి, మంత్రి పదవి బాధ్యతలు చేపట్టిన అందుకు రోజా కి ఒకరికొకరు అభినందనలు చెబుతున్నారు. ఇరువురు వారి కుటుంబ సభ్యుల క్షేమ సమాచారాలు అడిగి తెలుసుకున్నారు.

అంతేకాకుండా మెగాస్టార్ దంపతులు రోజాకు శాలువా కప్పి సన్మానం చేశారు ప్రస్తుతం ఈ ఫోటోలు నెట్ లో వైరల్ అవుతున్నాయి. మెగాస్టార్ చిరంజీవి గారి ఇంటి తోపాటు రోజా కెసిఆర్ వాళ్ళ ఇంటికి కూడా వెళ్లారు. అక్కడ కూడా రోజా ను సత్కరించారు.