RRR: ఆర్ఆర్ఆర్ సినిమా ఒక తెలుగు సినిమాను ప్రపంచంలో వ్యాప్తంగా ప్రశంసలు అందుకునేలా చేసిన చిత్రం. బాహుబలి సినిమాతో ఇండియా మొత్తం రాజమౌళికి క్రేజ్ వచ్చింది. ఇక ఇపుడు ఆర్ఆర్ఆర్ సినిమాతో ప్రపంచం మొత్తం తన వైపు చూసేలా జక్కన చేసుకున్నాడు. ప్రపంచం మొత్తం ఆర్ఆర్ఆర్ సినిమాను పొగుడుతున్నారు. అమెరికాలో రామ్ చరణ్ కి బాగా ఫాలోయింగ్ వచ్చేసింది. ఇక ఇజ్రాయెల్ లో ఏకంగా ఎన్టీఆర్ గురించి వార్తపత్రికలో కథనం రాసారు.
గ్రాఫిక్స్ తో మాయచేసిన జక్కన్న…
నెట్ ఫ్లిక్స్ ఇండియా లోనూ ఈ సినిమా దూసుకుపోతోంది. మొదటిసారి వరుసగా కొన్ని వారాలు టాప్ ప్లేసులో లో ఎక్కువ మంది వీక్షిస్తున్న సినిమాగా రికార్డు సృష్టించింది. ఇక ఈ సినిమాకు సంబంధించిన మేకింగ్ వీడియోలను ఒక్కొక్కటిగా విడుదల చేస్తున్నారు జక్కన్న టీం. అందులో తాజాగా ఇంటర్వెల్ సన్నివేశాలో జంతువులన్నీటితో పాటు ఎన్టీఆర్ వస్తాడు.. ఆ సన్నివేశం ప్రతి ఒక్కరికి గూస్ బంప్స్ తెప్పిస్తుంది. ఇక ఇంటర్వెల్ తరువాత రామ్ చరణ్ ఎన్టీఆర్ ఫైట్ లో రామ చరణ్ పులిని కొట్టే సీన్ అదిరిపోయింది. థియేటర్లలో అయితే విజిల్స్ మోత మోగింది. అలాంటి సీన్ మేకింగ్ వీడియోను నెట్టింట్లో విడుదల చేసారు.
ఇక గ్రాఫిక్స్ లో పులిని చాలా సహజంగా చూపారు ఈ సీన్ లో అయితే మేకింగ్ చూసినపుడు అసలు అక్కడ పులి కనిపించదు, కేవలం రామ్ చరణ్ గాలిలో కొడతాడు అగ్గి కూడా చేతిలో ఉండదు. ఇక ఈ మేకింగ్ సీన్ చూసి అమ్మ జక్కన్న ఎంత మాయచేసావ్ అందరినీ అని అనిపించక మానదు. కానీ ప్రతి సన్నివేశం ఎంతో సహజంగా రావడానికి ఎంత కష్టపడ్డారో చిత్ర యూనిట్ బాగా తెలుస్తుంది. అందుకే మరి జక్కన్నను పని రాక్షసుడు అంటారు. ఇక ఆ కష్టమే సినిమాకు ఇంత పేరు తెచ్చిపెట్టింది అనడంలో ఏమాత్రం సందేహం లేదు