RRR Collections: ఫస్ట్ వీక్ 710 కోట్ల కలెక్షన్లను రాబట్టిన ఆర్ఆర్ఆర్..!

RRR Collections: దర్శక ధీరుడు ఎస్ ఎస్ రాజమౌళి దర్శకత్వంలో అత్యంత భారీ బడ్జెట్ చిత్రంగా తెరకెక్కిన చిత్రం RRR. పాన్ ఇండియా స్థాయిలో ఎన్టీఆర్ రామ్ చరణ్ హీరోలుగా తెరకెక్కిన ఈ సినిమా కోసం నాలుగు సంవత్సరాల నుంచి అభిమానులు ఎంతో ఆతృతగా ఎదురు చూశారు.ఈ క్రమంలోనే ఈ సినిమా గత నెల 25వ తేదీన ప్రేక్షకుల ముందుకు వచ్చింది.

ఎన్నో అంచనాల నడుమ విడుదలైన ఈ సినిమా ప్రేక్షకుల అంచనాలను అందుకుని సందడి చేసింది. ఇక ఇండియాలోనే కాకుండా ఇతర దేశాలలో కూడా ఈ సినిమాకు విపరీతమైన క్రేజ్ ఏర్పడి బాక్సాఫీస్ వద్ద అత్యధిక వసూళ్లను రాబట్టింది. ఈ సినిమా విడుదల అయ్యి వారం రోజులు పూర్తి చేసుకుంది.

ఇక వారం రోజులలో ఈ సినిమా ప్రదర్శన తర్వాత వరల్డ్ వైడ్ 710 కోట్ల రూపాయల వసూళ్లను రాబట్టినట్లు చిత్రబృందం అధికారికంగా ప్రకటించారు. ఇప్పటికే బాహుబలి సినిమా రికార్డులను బ్రేక్ చేసిన RRR ఈ వీకెండ్ కి వెయ్యి కోట్లు క్రాస్ చేస్తుందని చెప్పవచ్చు. రెండు తెలుగు రాష్ట్రాలలో మూడు వందల కోట్ల కలెక్షన్లను క్రాస్ చేసిన ఈ సినిమా హిందీలో వంద కోట్లను క్రాస్ చేసింది.

బ్లాక్ బస్టర్ గా ఆర్ఆర్ఆర్…

ఓవర్సీస్‌లోనూ ఇప్పటివరకు రూ.73 కోట్లకు పైగా వసూళ్లు రాబట్టిందని ట్రేడ్‌ నిపుణులు చెబుతున్నారు. ఇక ఈ సినిమాలో రామ్ చరణ్ అల్లూరి సీతారామరాజు పాత్రలో నటించగా, కొమురంభీమ్ పాత్రలో ఎన్టీఆర్ ప్రేక్షకులను సందడి చేశారు. అలియా భట్ సీత పాత్ర ద్వారా ప్రేక్షకులను సందడి చేశారు.నాలుగు సంవత్సరాల నుంచి ఈ సినిమా కోసం ఎంతో కష్టపడిన ఎన్టీఆర్ , రామ్ చరణ్ లకు ఈ సినిమా మంచి విజయాన్ని సాధించిందని చెప్పాలి.